Publish Date: Thu, 20 Jul 2023 (13:57 IST)
Updated Date: Thu, 20 Jul 2023 (14:10 IST)
હિમાચલમાં વાદળ ફાટ્યું, 25 ગાડીઓ તણાઈ- હિમાચલ પ્રદેશના મંડીમાં ભારે વરસાદના કારણે તબાહીના દ્રશ્યો જોવા મળ્યા છે. સેરજ વિસ્તારમાં ભારે વરસાદ અને કરંટના કારણે વાહનો ધોવાઈ ગયા હતા. વાદળ ફાટ્યા બાદ ભારે તારાજી સર્જાઈ છે.
હિમાચલ પ્રદેશમાં ચોમાસા દરમિયાન વાદળ ફાટવાના કારણે લોકો પૂર જેવી સ્થિતિનો સામનો કરી રહ્યા છે. કિન્નૌરના આદિવાસી જિલ્લાના સાંગલા ખીણના કામરુ ગામમાં વાદળ ફાટ્યા બાદ તુંગતુંગ નાળામાં આવેલા પૂરે તબાહી મચાવી હતી.
ગુરુવારે સવારે છ વાગ્યાની આસપાસ તુંગતુંગ નાળાએ ઉભરાતી નદીનું સ્વરૂપ ધારણ કર્યું હતું. કામરૂ ગામ તરફ નાળાનો પ્રવાહ બદલાયો હતો. આ નાળામાં બૂમ પડવાને કારણે જોરદાર પ્રવાહમાં અનેક વાહનો વહી ગયા હતા.
