'આજે અમે સેલિબ્રેટ કરીશું, હજુ કામ પુરૂ નથી થયું... મુંબઈ ઈન્ડિયન્સને હરાવ્યા બાદ PBKS કોચે આપ્યું મોટું નિવેદન

IPL 2025 ની પોતાની છેલ્લી લીગ મેચમાં, પંજાબ કિંગ્સે મુંબઈ ઈન્ડિયન્સને 7 વિકેટથી હરાવ્યું. આ જીત સાથે એ પણ નિશ્ચિત છે કે પંજાબ હવે પોઈન્ટ ટેબલમાં ટોપ-2 માં રહેશે અને ક્વોલિફાયર-1 રમશે. પ્રથમ ક્વોલિફાયર મેચમાં તેઓ કઈ ટીમનો સામનો કરશે તે 27 મેના રોજ રમાનારી છેલ્લી લીગ મેચ પછી જાણી શકાશે. મુંબઈ ઈન્ડિયન્સને હરાવ્યા બાદ, પીબીકેએસના મુખ્ય કોચ રિકી પોન્ટિંગ ખૂબ ખુશ દેખાતા હતા અને તેમણે ખેલાડીઓની ખૂબ પ્રશંસા કરી હતી.

રિકી પોન્ટિંગે શ્રેયસ અને અન્ય ખેલાડીઓની  કરી પ્રશંસા

મેચ સમાપ્ત થયા પછી રિકી પોન્ટિંગે બ્રોડકાસ્ટર્સ સાથે વાત કરી. તેમણે કહ્યું કે તેઓ આ જીતથી ખૂબ જ ખુશ છે, આ હાંસલ કરવા માટે ઘણી મહેનત કરવી પડી. પોન્ટિંગે સ્પષ્ટ કહ્યું કે તેણે હજુ સુધી કંઈ હાંસલ કર્યું નથી, આ તે ખેલાડીઓને કહી રહ્યો છે કે, ટીમ માટે હજુ મોટી મેચો આવવાની બાકી છે. પ્રભસિમરન 23-24 વર્ષનો છે અને તેણે 500 રન બનાવ્યા છે. વિદેશી ખેલાડીઓ- ઇંગ્લિસ, સ્ટોઇનિસ શાનદાર પ્રદર્શન કરનારા રહ્યા છે. શ્રેયસ ખૂબ જ શાનદાર રહ્યો છે. અમારી ટીમ હંમેશા ખુશ રહે છે, દસ અઠવાડિયાથી ખેલાડીઓએ એકબીજાની સંગતનો આનંદ માણ્યો છે, હજુ એક અઠવાડિયું બાકી છે. એ સ્પષ્ટ છે કે હું શ્રેયસ સાથે કામ કરવા માટે ઉત્સુક હતો. શ્રેયસ અને પોન્ટિંગ વચ્ચે દિલ્હીમાં સારા કાર્યકારી સંબંધો હતા. તે તેને ઘણા સમયથી ઓળખે છે.

પોન્ટિંગે માર્કો જેન્સન વિશે પણ મોટી વાત કહી

બોલિંગ ગ્રુપ અંગે પંજાબના મુખ્ય કોચે કહ્યું કે અર્શદીપ શાનદાર છે, ચહલ પ્લેઓફ મેચો માટે વાપસી કરી શકે છે. જો તમે ખેલાડીઓ સાથે વ્યક્તિગત રીતે વાત કરો છો, તો તેઓ શ્રેયસનું સારી રીતે વર્ણન કરશે. કોચે કહ્યું કે ટીમ આજે રાત્રે ઉજવણી કરશે. ત્યારબાદ તે ખેલાડીઓને આરામ આપશે. પ્લેઓફ મેચો માટે માર્કો જેન્સન PBKS માટે ઉપલબ્ધ રહેશે નહીં. આ અંગે મુખ્ય કોચે કહ્યું કે તે એક ઉચ્ચ ગુણવત્તાવાળો ખેલાડી છે, તેનું સ્થાન કોઈને પણ લેવું મુશ્કેલ છે.