Iran Earthquake: ઈરાનમાં ભૂકંપના જોરદાર આંચકા અનુભવાયા છે. ભૂકંપની તીવ્રતા રિક્ટર સ્કેલ પર 4.9 માપવામાં આવી છે. રઝાવી ખોરાસાન પ્રાંતના કાશ્મીર કાઉન્ટીમાં ભૂકંપના આંચકા અનુભવાયા હતા.
ભૂકંપના કારણે જાનમાલના નુકસાનના સમાચાર પણ છે, ઓછામાં ઓછા 4 લોકોના મોત થયા છે જ્યારે 120થી વધુ લોકો ઘાયલ થયા છે. ભૂકંપ બાદ સ્થાનિક પ્રશાસન દ્વારા રાહત અને બચાવ કાર્ય શરૂ કરવામાં આવ્યું છે.
ઇમારતો અને રસ્તાઓને નુકસાન
ભૂકંપ બાદ લગભગ 35 લોકોને હોસ્પિટલમાં દાખલ કરવામાં આવ્યા છે. ભૂકંપના કારણે કેટલીક ઈમારતો તેમજ અનેક રસ્તાઓને પણ નુકસાન પહોંચ્યું છે. આ પહેલા ગયા વર્ષે નવેમ્બરમાં પણ ઈરાનમાં જોરદાર ભૂકંપ આવ્યો હતો. ત્યારબાદ ભૂકંપની તીવ્રતા 7.3 માપવામાં આવી હતી. ભૂકંપના કારણે 500 થી વધુ લોકોના મોત થયા હતા જ્યારે હજારો લોકો ઘાયલ થયા હતા.
