હેલ્ધી રહેવું હોય તો તમારે તમારી લાઈફસ્ટાઈલ પણ સ્વસ્થ રાખવી પડશે. ફિટ રહેવા માટે, લોકો જીમમાં જાય છે અને સારો આહાર લે છે. કલાકો સુધી એકસરસાઈઝ કરીને તમે પરસેવો પાડો છો પણ શું તમે જાણો છો કે સ્વસ્થ રહેવા માટે ચાલવું કેટલું મહત્વપૂર્ણ છે અને તે સૌથી અસરકારક અને ઈઝી એકસરસાઈઝ છે જે તમામ ઉંમરના લોકોને ફાયદો પહોંચાડે છે. જે લોકો કસરત નથી કરી શકતા તેમના માટે ચાલવું શ્રેષ્ઠ વિકલ્પ છે. તેથી, તેને તમારા દિનચર્યામાં સામેલ કરવું ખૂબ જ મહત્વપૂર્ણ છે. ડોક્ટરો અને ફિટનેસ નિષ્ણાતોના મતે, સવારે અને સાંજે ચાલવું ફિટ રહેવા માટે ખૂબ જ સારું છે. ચાલવું એ એક એવી કસરત છે જે તમારા આખા શરીરને કામ કરવા દે છે. આનાથી કેલરી ઝડપથી બર્ન થાય છે.
રોજ કેટલા સ્ટેપ્સ ચાલવું છે જરૂરી
ચાલવું એ દરેક ઉંમરના લોકો માટે ફાયદાકારક છે પરંતુ દરેક વ્યક્તિ, ખાસ કરીને વૃદ્ધો અથવા કમજોર લોકો, દરરોજ 15,000 પગલાં ચાલી શકતા નથી, તેથી, ચાલતી વખતે, તમારે તમારી ગતિ અને સમયનું પણ ધ્યાન રાખવું જોઈએ. ચાલો તમને જણાવીએ કે કઈ ઉંમરે તમારે કેટલા સ્ટેપ્સ ચાલવું જોઈએ. નિષ્ણાતોના મતે, વ્યક્તિએ દિવસમાં ઓછામાં ઓછો અડધો કલાક ચાલવું જોઈએ. આમ કરવાથી શરીરમાં ઉર્જા જળવાઈ રહે છે. જો શક્ય હોય તો, વ્યક્તિએ દરરોજ ઓછામાં ઓછા 10,000 પગલાં ચાલવા જોઈએ, પરંતુ આ સંખ્યા ઉંમર પ્રમાણે બદલાઈ શકે છે.
કઈ ઉંમરે કેટલું ચાલવું જોઈએ?
6 થી 17 વર્ષ - 15000 પગલાં
18 થી 40 વર્ષ - 12000 પગલાં
40- 8000- 10000 પગલાંથી ઉપર
60 વર્ષ -6000- 8000 પગલાં
એક અન્ય નિષ્ણાતના અભિપ્રાય મુજબ, બાળકો અને કિશોરો: દરરોજ ઓછામાં ઓછા 9000 પગલાં ચાલવા જરૂરી છે. પુખ્ત વયના 18 થી 59 વર્ષ: દરરોજ ઓછામાં ઓછા 7,000 થી 10,000 પગલાં. 60 અને તેથી વધુ ઉંમર: દરરોજ 6000 થી 8000 પગલાં ચાલવું જરૂરી છે
ચાલવાના ફાયદા
ચાલતી વખતે, વ્યક્તિએ ઊંડા શ્વાસ લેવા જોઈએ જેથી ફેફસાં સુધી સારી માત્રામાં ઓક્સિજન પહોંચે. ફક્ત ફેફસાં જ નહીં પરંતુ શરીરના અન્ય ભાગો પણ સ્વસ્થ રહે છે. તે શારીરિક, માનસિક અને ભાવનાત્મક સ્વાસ્થ્ય સુધારવા માટે પણ ખૂબ ફાયદાકારક છે.
સ્વસ્થ ફેફસાં: ચાલવાથી શરીરના બધા ભાગો સારી રીતે કાર્ય કરે છે. શરીરને સારી માત્રામાં ઓક્સિજન મળે છે. ઓક્સિજનના સારા પ્રવાહને કારણે ફેફસાં સ્વસ્થ રહે છે અને અન્ય રોગોથી પણ રક્ષણ મળે છે.
પાચનશક્તિ મજબૂત બનાવે છે: દરરોજ ચાલવાથી પાચનશક્તિ મજબૂત થાય છે અને વજન નિયંત્રિત થાય છે. જો સવારે તમારું પેટ સાફ ન હોય તો દિવસભર તમારો મૂડ ખરાબ રહે છે, તેથી નિયમિતપણે ચાલવા જાઓ. આનાથી તમને હળવાશનો અનુભવ થશે અને તમારો મૂડ સારો રહેશે.
હાર્ટ માટે લાભકારી : ચાલવું તમારા દિલ માટે ખૂબ ફાયદાકારક છે. ચાલવાથી રક્ત પરિભ્રમણ સુધરે છે અને કોલેસ્ટ્રોલનું સ્તર ઓછું થાય છે. સવારે ઘાસ પર ખુલ્લા પગે ચાલવાથી બ્લડ પ્રેશર નિયંત્રણમાં રહે છે.
