રાજસ્થાનના ઉદયપુરમાં એક IT કંપનીના મેનેજર પર ગેંગરેપ થયો છે. મહિલા પર ચાલતી કારમાં કથિત રીતે બળાત્કાર ગુજારવામાં આવ્યો હતો. પોલીસે બુધવારે જણાવ્યું હતું કે આ ઘટના શનિવારે રાત્રે બની હતી. પીડિતા જન્મદિવસની પાર્ટીમાં ગઈ હતી અને બધા મહેમાનો ગયા પછી તે એકલી રહી ગઈ હતી. પીડિતાએ આરોપ લગાવ્યો છે કે કંપનીના મહિલા એક્ઝિક્યુટિવ હેડે તેને ઘરે મૂકવાના બહાને તેની કારમાં બેસાડી હતી. એક્ઝિક્યુટિવ હેડના પતિ અને કંપનીના ચીફ એક્ઝિક્યુટિવ ઓફિસર (CEO) પણ કારમાં હાજર હતા.
પીડિતાએ પોતાની ફરિયાદમાં જણાવ્યું હતું કે ત્રણેય પુરુષો તેને ઘરે મૂકવા ગયા હતા, પરંતુ રસ્તામાં તેઓએ એક દુકાનમાંથી સિગારેટ જેવું કંઈક ખરીદ્યું અને તેને આપ્યું. સિગારેટ પીધા પછી, તે બેભાન થઈ ગઈ. પોલીસે જણાવ્યું હતું કે બીજા દિવસે સવારે, પીડિતાને ખબર પડી કે તેનું જાતીય શોષણ થયું છે અને તેણે પોલીસ ફરિયાદ નોંધાવવાનું નક્કી કર્યું.
ત્રણેય આરોપીઓ પોલીસ કસ્ટડીમાં
ઉદયપુરના પોલીસ અધિક્ષક યોગેશ યાદવ ગોયલે જણાવ્યું હતું કે, "ફરિયાદના આધારે, મંગળવારે ત્રણેય આરોપીઓ સામે કેસ નોંધવામાં આવ્યો હતો. આરોપીઓને કસ્ટડીમાં લેવામાં આવ્યા છે અને તેમની પૂછપરછ કરવામાં આવી રહી છે. તબીબી તપાસ રિપોર્ટ અને નિવેદનોના આધારે આગળની કાર્યવાહી કરવામાં આવશે."
ડેશકેમે ખોલ્યું રહસ્ય
પીડિતાએ જણાવ્યું હતું કે આરોપીઓએ તેને સવારે 5 વાગ્યાની આસપાસ ઘરે છોડી દીધી હતી. તેણીએ તેના ગુપ્ત ભાગોમાં ઇજાઓ અનભવી હતી. ત્યારબાદ તેને કારનો ડેશકેમ ચેક કર્યો, જેમાં આરોપીઓની બધી ક્રિયાઓ રેકોર્ડ કરવામાં આવી હતી. તેના આધારે, તેણીએ 23 ડિસેમ્બરે ફરિયાદ નોંધાવી. પોલીસે તપાસ માટે કારમાંથી ડેશકેમ રેકોર્ડિંગ અને નમૂનાઓ એકત્રિત કર્યા છે. FSL ટીમે કારમાંથી વિવિધ પ્રકારના પુરાવા એકત્રિત કર્યા છે. આ પુરાવા આરોપીને દોષિત સાબિત કરવામાં મહત્વપૂર્ણ ભૂમિકા ભજવી શકે છે.
