Publish Date: Fri, 13 Feb 2026 (11:44 IST)
Updated Date: Fri, 13 Feb 2026 (11:54 IST)
મુંબઈના શિવાજી નગર વિસ્તારમાં મંગળવારે બપોરે બનેલી સનસનાટીભરી હત્યાનો રહસ્ય મુંબઈ પોલીસે ઉકેલી નાખ્યો છે. ફુરકાનિયા વિસ્તારમાં ૧૯ વર્ષીય શિફાની હત્યાના સંદર્ભમાં પોલીસે એક દંપતીની ધરપકડ કરી છે. શરૂઆતમાં જે એકલ મહિલાનું કૃત્ય માનવામાં આવતું હતું તે પ્રેમ અને ઈર્ષ્યાનું ખતરનાક જાળું બહાર આવ્યું.
મુંબઈ પોલીસે શિવાજી નગરના ફુરકાનિયા વિસ્તારમાં 19 વર્ષીય શિફાની સનસનાટીભરી હત્યાનો રહસ્ય માત્ર 12 કલાકમાં ઉકેલી નાખ્યો છે. શરૂઆતમાં શંકાસ્પદ મહિલા હુમલાખોરનું કૃત્ય માનવામાં આવતું હતું, પરંતુ તપાસમાં જાણવા મળ્યું કે તે પ્રેમ, ઈર્ષ્યા અને બદલો લેવાનું કાવતરું હતું.
કેવી રીતે થઈ ઘટના ?
10 ફેબ્રુઆરી, મંગળવારે વિસ્તારમં અચાનક ગોળી ચાલવાના અવાજથી હડકંપ મચી ગયો. શિફાને નજીકથી ગોળી મારવામાં આવી હતી. ગંભીર રૂપથી ઘાયલ યુવતીએ હોસ્પિટલમાં જતી વખતે રસ્તમાં દમ તોડ્યો. ધોળે દિવસે થયેલ ગોળીબારથી લોકો ગભરાય ગયા અને પોલીસની સુરક્ષા વ્યવસ્થા પર સવાલ ઉભા થયા.
પોલીસની તેજી - 12 કલાકમાં બંને આરોપીની ધરપકડ
શિવાજી નગર પોલીસે તાત્કાલિક તપાસ શરૂ કરી. સીસીટીવી ફૂટેજ, ટેકનિકલ સર્વેલન્સ અને બાતમીદારો પાસેથી મળેલી માહિતીના આધારે, પોલીસે 25 વર્ષીય મહિલા અને તેના 23 વર્ષીય પુરુષ સાથીની ધરપકડ કરી. પ્રારંભિક તપાસમાં જાણવા મળ્યું છે કે આ હત્યા પ્રેમ ત્રિકોણ અને વ્યક્તિગત વિવાદનું પરિણામ છે. મહિલા આરોપીને શંકા હતી કે 19 વર્ષીય શિફા તેના બોયફ્રેન્ડની નજીક આવી રહી હતી, જેના કારણે આ કાવતરું ઘડાયું.
મોટિવ - પ્રેમમાં તકરારથી લોહીનો ખેલ
DCP સમીર શેખના મુજબ મૃતકા શિફા ધરપકડ પામેલી યુવતી અને યુવક વચ્ચે છેલ્લા કેટલાક દિવસોથી તનાવ અને વ્યક્તિગત વિવાદ ચાલી રહ્યો હતો. આ તનાવે હત્યાનુ રૂપ લઈ લીધુ. પોલીસનુ કહેવુ છે કે મહિલા આરોપીએ પોતાના પ્રેમી (Triangle Love Affair) ની સાથે મળીને આ હત્યાનુ સમ્પૂર્ણ ષડયંત્ર રચ્યુ અને હત્યાને અંજામ આપ્યો.
પોલીસ કરી રહી છે તપાસ
પોલીસે બંને આરોપીઓ સામે હત્યા સંબંધિત ભારતીય દંડ સંહિતા (IPC) ની કલમો હેઠળ કેસ નોંધ્યો છે. હત્યાના હથિયારના સ્ત્રોતને શોધવા માટે પણ તપાસ ચાલુ છે. શું આ કાવતરામાં કોઈ તૃતીય પક્ષ સામેલ હતો? પોલીસના જણાવ્યા અનુસાર, તપાસ હજુ તેના પ્રારંભિક તબક્કામાં છે, અને આગામી દિવસોમાં વધુ ખુલાસા થઈ શકે છે.
