શ્રીલંકાના મહાન બોલરોમાંથી એક લસિથ મલિંગાએ મંગળવારે ક્રિકેટના તમામ પ્રકારના ફોર્મેટમાંથી નિવૃત્તિ લેવાની જાહેરાત કરી. દોઢ દાયકાથી વધુ સમય સુધી બેટ્સમેનોમાં ડર ફેલાવનાર મલિંગાએ પોતાની કેપ્ટનશીપમાં ટીમને પ્રથમ વખત ટી 20 વર્લ્ડકપ ચેમ્પિયન બનાવી હતી. શ્રીલંકા માટે તમામ ફોર્મેટમાં 546 વિકેટ લેનાર મલિંગાએ 2011 માં ટેસ્ટ ક્રિકેટમાંથી નિવૃત્તિ લીધી હતી અને ત્યારબાદ તેમણે આંતરરાષ્ટ્રીય વન-ડે મેચમાંથી પણ નિવૃત્તિ લીધી હતી, પરંતુ ટી 20 આંતરરાષ્ટ્રીયમાં રમવાનું ચાલુ રાખ્યું હતું. મલિંગાની નિવૃત્તિ બાદ ભારતના ઝડપી બોલર જસપ્રીત બુમરાહે ટ્વીટ કરી ભવિષ્ય માટે શુભેચ્છાઓ પાઠવી હતી.
બુમરાહે ટ્વિટ કર્યું, 'એક અદ્ભુત કારકિર્દી માટે શુભેચ્છા, ભવિષ્યમાં દરેક વસ્તુ માટે શુભેચ્છાઓ. તમારી સાથે રમવામાં ઘણો આનંદ મળ્યો. મલિંગાને તાજેતરમાં જ આવતા મહિને શરૂ થનારા ટી 20 વર્લ્ડ કપ માટે શ્રીલંકાની ટીમમાં સ્થાન નહોતુ આપવામાં આવ્યુ. ગયા વર્ષે, મલિંગાએ ટી 20 વર્લ્ડ કપમાં શ્રીલંકાનું નેતૃત્વ કરવાની ઇચ્છા વ્યક્ત કરી હતી, જે ઓસ્ટ્રેલિયામાં ઓક્ટોબર-નવેમ્બર 2020 માં યોજાવાની હતી, પરંતુ કોવિડ -19 ને કારણે ટુર્નામેન્ટ મુલતવી રાખવામાં આવી હતી અને હવે ટી 20 વર્લ્ડ કપ યોજાશે આવતા મહિને થશે.
ઈંટરનેશનલ ક્રિકેટમાં લસિથ મલિંગાના એવા ઘાંસૂ રેકોર્ડ, જેને તોડવુ ખૂબ જ મુશ્કેલ
મલિંગાએ 84 ટી 20 આંતરરાષ્ટ્રીય મેચોમાં 107 વિકેટ, 226 વન ડેમાં 338 વિકેટ અને 30 ટેસ્ટ મેચમાં 101 વિકેટ લીધી હતી. તે ટી 20 આંતરરાષ્ટ્રીય ક્રિકેટમાં વિકેટની સદી પૂરી કરનાર પ્રથમ બોલર છે. મલિંગાએ આ વર્ષે જાન્યુઆરીમાં ફ્રેન્ચાઇઝી ક્રિકેટને અલવિદા પણ કહ્યું હતું.
ટી 20 ક્રિકેટમાં સર્વશ્રેષ્ઠ બોલરોમાંથી એક, મલિંગા આઈપીએલ, બિગ બેશ લીગ, કેરેબિયન પ્રીમિયર લીગ અને અન્ય ફ્રેન્ચાઈઝી ટુર્નામેન્ટમાં તેમની ટીમના મુખ્ય સભ્ય રહ્યા છે. મુંબઈ ઈન્ડિયન્સ સાથેની તેની 12 વર્ષની મુસાફરી દરમિયાન, મલિંગા ટીમના પાંચમાંથી ચાર ટાઇટલ જીતનો ભાગ હતો. તેના પિતા બીમાર હોવાથી તેણે અંગત કારણોસર 2020 માં ટુર્નામેન્ટમાં ભાગ ન લેવાનો નિર્ણય કર્યો હતો.
