Zee ગ્રુપે સ્પોર્ટ્સ બ્રોડકાસ્ટિંગમાં ફરીથી પ્રવેશ કર્યો છે. ઝી પાસે UAE T20 લીગ સાથે લાંબા ગાળાનો વૈશ્વિક મીડિયા અધિકાર કરાર છે. UAE T20 લીગનું પ્રસારણ ઝીની ટેલિવિઝન ચેનલો અને તેના ઓવર-ધ-ટોપ (OTT) પ્લેટફોર્મ Zee5 પર ભારતમાં અને સમગ્ર વિશ્વમાં કરવામાં આવશે. ઝીએ તેનું ટેન સ્પોર્ટ્સ ટેલિવિઝન નેટવર્ક 2016માં સોનીને રૂ. 2,600 કરોડમાં વેચ્યું અને સ્પોર્ટ બ્રોડકાસ્ટિંગમાંથી બહાર નીકળી.
zee એ આ લીગના વૈશ્વિક મીડિયા અધિકારો માટે $120 મિલિયન (લગભગ રૂ. 900 કરોડ)માં 10 વર્ષની ડીલ કરી છે. અમીરાત ક્રિકેટ બોર્ડ દ્વારા લાઇસન્સ પ્રાપ્ત UAE T20 લીગમાં 6 ટીમો હશે. આ 34 મેચની ટૂર્નામેન્ટ હશે. રિલાયન્સ ઈન્ડસ્ટ્રીઝ, અદાણી સ્પોર્ટ્સલાઈન, કોલકાતા નાઈટ રાઈડર્સ, લેન્સર કેપિટલ, જીએમઆર ગ્રુપ અને કેપ્રી ગ્લોબલ પણ ટીમોની માલિકી ધરાવે છે. લીગમાં 8 આંતરરાષ્ટ્રીય ખેલાડીઓને એક ટીમમાં રમવાની મંજૂરી આપવામાં આવશે.
