ઋષભ પંતના ફેંસ માટે ખુશખબર, ઘાતક અકસ્માત પછી પહેલીવાર સોશિયલ મીડિયા પોસ્ટ થઈ વાયરલ

ભારતીય ક્રિકેટ ટીમના સ્ટાર વિકેટ કીપર બેટ્સમેન ઋષભ પંતનો થોડા દિવસ પહેલા જ કાર અકસ્માત થયો હતો. આ ખેલાડીની કાર રૂડકીમાં ડિવાઈડર સાથે અથડાઈ હતી, જેના પછી પંતને ગંભીર ઈજા થઈ હતી. આ કારણે આ ખેલાડી લાંબા સમયથી રમતથી દૂર છે. તે જીવલેણ અકસ્માત બાદ હવે પહેલીવાર રિષભ પંતે સોશિયલ મીડિયા પર કંઈક પોસ્ટ કર્યું છે.

અકસ્માત બાદ ઋષભ પંતની પહેલી પોસ્ટ

કાર અકસ્માત બાદ ઋષભ પંતને ઘણી ઈજા થઈ હતી. તે અકસ્માત પછી પહેલીવાર પંતે સોશિયલ મીડિયા પર કંઈક પોસ્ટ કર્યું છે. પંતે એક ટ્વીટમાં લખ્યું, “મારા દિલથી હું મારા બધા ફેંસ, ટીમના સાથીઓ, ડૉક્ટરો અને ફિઝિયોને પણ તેમની પ્રાર્થના અને પ્રોત્સાહન માટે આભાર માનવા માંગુ છું. તમને બધાને મેદાન પર જોવા માટે ઉત્સુક છુ. 

બીસીસીઆઈનો પણ આભાર

આ સિવાય પંતે BCCIનો પણ આભાર માન્યો હતો. તેણે અન્ય ટ્વિટમાં લખ્યું, “હું તમામ સમર્થન અને શુભેચ્છાઓ માટે આભારી છું. મને તમને જણાવતા આનંદ થાય છે કે મારી સર્જરી સફળ રહી છે. પુનઃપ્રાપ્તિનો માર્ગ શરૂ થઈ ગયો છે અને હું આગળના પડકારો માટે તૈયાર છું. BCCI અને જય શાહના સમર્થન બદલ આભાર.

I am humbled and grateful for all the support and good wishes. I am glad to let you know that my surgery was a success. The road to recovery has begun and I am ready for the challenges ahead.
Thank you to the @BCCI , @JayShah & government authorities for their incredible support.

— Rishabh Pant (@RishabhPant17) January 16, 2023

વર્લ્ડ કપમાં ઉતરવુ મુશ્કેલ 

અકસ્માત બાદ પંત ઓછામાં ઓછા 6 મહિના સુધી રમતમાંથી બહાર થઈ ગયા છે. ESPNcricinfoના રિપોર્ટ અનુસાર, આ ખેલાડી 2023માં મોટાભાગે  ક્રિકેટથી દૂર જ  રહેવાનો છે. પંતના વર્લ્ડ કપ રમવાના ચાંસ પણ ખૂબ ઓછા છે.  

I may not have been able to thank everyone individually, but I must acknowledge these two heroes who helped me during my accident and ensured I got to the hospital safely. Rajat Kumar & Nishu Kumar, Thank you. I'll be forever grateful and indebted ♥ pic.twitter.com/iUcg2tazIS

— Rishabh Pant (@RishabhPant17) January 16, 2023