બોલિવૂડનો સૌથી પ્રતિષ્ઠિત એવોર્ડ IIFA 2024 ગઈકાલે અબુ ધાબીમાં ખૂબ જ ધામધૂમથી શરૂ થયો. ત્રણ દિવસના આ ફેસ્ટિવલમાં શુક્રવારે આયોજિત પ્રથમ દિવસના કાર્યક્રમમાં સાઉથ સ્ટાર્સે પોતાની હાજરીનો અહેસાસ કરાવ્યો હતો. 27 સપ્ટેમ્બરના પ્રથમ દિવસને 'ઉત્સવમ' નામ આપવામાં આવ્યું હતું. આજે શનિવારે બીજા દિવસનું નામ 'ફ્લેગશિપ' અને ત્રીજા એટલે કે રવિવારના છેલ્લા દિવસને 'IIFA રોક્સ' નામ આપવામાં આવ્યું છે. ઉત્સવમ પર અહીં સાઉથ સ્ટાર્સે પોતાનો જાદુ બતાવ્યો હતો. આ એવોર્ડમાં તમિલ, તેલુગુ, મલયાલમ અને કન્નડ ઉદ્યોગના કલાકારોએ ભાગ લીધો હતો. શાહરૂખ ખાન અને કરણ જોહર આ એવોર્ડ હોસ્ટ કરી રહ્યા છે. જોકે, ઉત્સવનું આયોજન દક્ષિણના સ્ટાર્સ રાણા દગ્ગુબાતી અને તેજા સજ્જા દ્વારા કરવામાં આવ્યું હતું. પહેલો દિવસ સાઉથ ઈન્ડસ્ટ્રીના નામે રહ્યો હતો.
આજે બોલીવુડનો વાગશે ડંકો
આજે શનિવારે IIFA 2024 એવોર્ડ્સનો બીજો દિવસ છે. આ દિવસને ફ્લેગશિપ નામ આપવામાં આવ્યું છે. આ દિવસ બોલિવૂડને સમર્પિત છે. આ દિવસે બોલિવૂડની શ્રેષ્ઠ ફિલ્મો અને કલાકારોનું સન્માન કરવામાં આવશે. બોલિવૂડની શ્રેષ્ઠ ફિલ્મોની પ્રશંસા બીજા દિવસે થશે. આજે બોલિવૂડ સ્ટાર્સ અહીં પોતાનો જાદુ બતાવશે. ઉપરાંત, જે ફિલ્મોને પુરસ્કાર આપવામાં આવશે તેના માટે ઉજવણીનો દિવસ હશે. આ શોને શાહરૂખ ખાન અને કરણ જોહર હોસ્ટ કરશે. અન્ય કલાકારો પણ અહીં તેમનું કૌશલ્ય પ્રદર્શિત કરશે.
