કોશિશ કરનારાઓની ક્યારેય હાર નથી થતી.. આ કહેવત આમ તો માણસો માટે કહેવાય છે, પણ બે મઘુમાખીઓએ આને સાચી સાબિત કરી દીધી છે. જી હા, મઘુમાખીઓએ, સોશિયલ મીડિયામાં હાલ એક વીડિયો ખૂબ જ વાયરલ થઈ રહ્યો છે. વાયરલ વીડિયોમાં બે મઘુમાખીઓને કોલ્ડ ડ્રિંક્સની એક બોટલનુ ઢાંકણ ખોલવાનો પ્રયાસ કરતી જોઈ શકાય છે.
વાયરલ વીડિયોને જો સાચુ માનીએ તો મઘુમાખીઓએ કોશિશ કરવા ઉપરાંત, સફળતા પૂર્વક તેને ખોલી પણ નાખી. આમ તો મઘુમાખીઓના આ પ્રયાસ માટે 'એકતામાં બળ છે' જેવી કહેવત પણ સાચી સાબિત થઈ રહી છે.
ગુજરાત ક્રિકેટ એસોસિએશનના ઘનરાજ નાથવાનીએ આને ટ્વીટ કર્યુ. તેમણે લખ્યુ, એવુ લાગે છે કે આ મઘુમાખીઓ હકીકતમાં ખૂબ ઝડપથી વિકસિત થઈ રહી છે.
