પારૂલ યુનિવર્સિટીની વિદ્યાર્થીની સાથે દુષ્કર્મ આચરનાર જયેશ પટેલના ઘરેથી સેક્સવર્ધક દવાઓ મળી આવી છે. જયેશ પટેલના 9 દિવસના રિમાન્ડ પૂરા થતા તેના વધુ રિમાન્ડ મેળવવા માટે ગુરૂવારે બપોરે પોલીસે તેને વાઘોડિયા કોર્ટમાં રજૂ કર્યો હતો અને વધુ 7 દિવસના રિમાન્ડની માંગણી કરી હતી. પરંતુ વાઘોડિયા કોર્ટે જયેશ પટેલના રિમાન્ડ મંજૂર કર્યા ન હતા. અને જ્યુડિશીયલ કસ્ટડીમાં મોકલી આપવાનો આદેશ કર્યો હતો.
9 દિવસના રિમાન્ડ દરમિયાન પોલીસે જયેશ પટેલની પૂછપરછ કરી હતી. અને તેના ઓફિસ અને ઘર સહિતના સ્થળોએ સર્ચ પણ કર્યુ હતુ. આ દરમિયાન જયેશ પટેલના ઘરેથી પોલીસને સેક્સવર્ધક દવાઓ મળી આવી હતી.
પોલીસે આરોપીના વધુ રિમાન્ડ માટે રજૂ કરેલી રિમાન્ડ અરજીમાં જણાવ્યુ હતુ કે, ડો. જયેશ પટેલ શારિરીક સંબધ બાંધવા માટે સક્ષમ હોવાનો રિપોર્ટ પોઝિટીવ આવ્યો હોવા છતાં, તેણે 9 દિવસના પોલીસ રિમાન્ડ દરમિયાન નપુંસક હોવાનું સતત રટણ કર્યું હતું. પોલીસે રિમાન્ડ દરમિયાન તેના ઘરે ઉપરથી સેક્સ માટે ઉપયોગમાં લેવાતી દવાઓ કબજે કરી છે.
