Weather updates- આકરી ગરમી વચ્ચે દિલ્હીના લોકો માટે ફરી એકવાર રાહતના સમાચાર છે. બુધવારે ભારતીય હવામાન વિભાગ (IMD) દ્વારા જાહેર કરાયેલ મોનસૂન અપડેટ અનુસાર, દિલ્હી-NCR સહિત બિહાર અને ઉત્તર ભારતના ઘણા વિસ્તારોમાં વરસાદ અને ગાજવીજ સાથે વરસાદની સંભાવના છે.
IMDના અહેવાલ મુજબ દક્ષિણ-પૂર્વ મધ્યપ્રદેશ અને તેની આસપાસ લો પ્રેશરનું ક્ષેત્ર છે. બુધવાર અને ગુરુવારે દિલ્હી અને આસપાસના વિસ્તારોમાં ભારે વરસાદની સંભાવના છે. તેને જોતા IMDએ યલો એલર્ટ જાહેર કર્યું છે. આ સાથે જ હવામાન વિભાગના જણાવ્યા અનુસાર પઠાણકોટ, ગુરદાસપુર, અમૃતસર, તરનતારન, ફિરોઝપુર, મોગા, કપૂરથલા, હોશિયારપુર, જલંધર, લુધિયાણા, રૂપનગર, બરનાલા, સંગરુર, પટિયાલા, ફતેહગઢ સાહિબ અને SAS નગરમાં યલો એલર્ટ જારી કરવામાં આવ્યું છે. .
હવામાન વિભાગે જણાવ્યું હતું કે 19 જુલાઈની આસપાસ પશ્ચિમ-મધ્ય અને નજીકના ઉત્તર-પશ્ચિમ બંગાળની ખાડીમાં એક નવું લો પ્રેશર ક્ષેત્ર રચાય તેવી શક્યતા છે. આના કારણે 16-20 જુલાઈ દરમિયાન તેલંગાણા, તટીય આંધ્રપ્રદેશ અને યાનમ, મધ્યપ્રદેશ, વિદર્ભ, છત્તીસગઢમાં ભારે વરસાદની શક્યતા. તે જ સમયે, તામિલનાડુમાં 16-18 જુલાઈ દરમિયાન અને ઉત્તરીય આંતરિક કર્ણાટકમાં 16, 19 અને 20 જુલાઈ દરમિયાન ભારે વરસાદની સંભાવના છે. તામિલનાડુમાં 17 જુલાઈએ ભારે વરસાદની સંભાવના છે. બુધવાર અને ગુરુવારે ઉત્તરાખંડ અને પૂર્વ રાજસ્થાનમાં પણ આવું જ હવામાન રહેવાની અપેક્ષા છે.
