- બ્લેક કોફી સ્વાસ્થ્ય માટે ખૂબ જ લાભકારી
- તેનાથી સ્ટેમિના પણ વધે છે.
- બ્લેક કોફી પીવાથી દિલ સંબંધિત સમસ્યાઓમાં રાહત
આજકાલ લોકોમાં કોફી પીવાનો ક્રેઝ વધી ગયો છે. ગરમ કોફી પીતા જ એક અલગ તાજગી અનુભવાય છે. ઘણા લોકો સવારે ચાને બદલે કોફી પીવે છે. કોફી બનાવવી એકદમ સરળ છે. ઊંઘમાંથી છુટકારો મેળવવા માટે ચા કરતાં કોફી ઘણી સારી છે. જો કે, દૂધ સાથેની કોફી કરતાં બ્લેક કોફી વધુ ફાયદાકારક છે. દરરોજ બ્લેક કોફી પીવાથી માથાનો દુખાવો દૂર કરવામાં, શરીરને સક્રિય બનાવવામાં, તણાવ દૂર કરવામાં અને વજન ઘટાડવામાં મદદ મળે છે. ખાસ વાત એ છે કે જે લોકો વજન વધવાના ડરથી કોફી નથી પીતા તેઓ જાણતા નથી કે બ્લેક કોફી પીવાથી વજન ઘટે છે. કોફીમાં એન્ટીઓક્સીડેન્ટ મળી આવે છે જે સ્વાસ્થ્ય માટે ખૂબ જ લાભકારી સાબિત થાય છે. ચાલો જાણીએ કે કોફીથી શરીરને કેવા પ્રકારના ફાયદા થાય છે અને દૂધ સાથે કોફી પીવી જોઈએ કે બ્લેક કોફી.
ઉલ્લેખનીય છે કે બજારમાં ઉપલબ્ધ દૂધ સાથે કોફીમાં વધુ ખાંડનો ઉપયોગ થાય છે. જે સ્વાસ્થ્યને નુકસાન તો પહોંચાડે જ છે સાથે સાથે અનેક સમસ્યાઓનું કારણ પણ બને છે. દૂધ સાથે કોફી પીવાથી વજન વધી શકે છે. ડાયાબિટીસનું જોખમ પણ રહી શકે છે. પરંતુ જો તમે બ્લેક કોફી પીઓ છો તો તેનાથી શરીરને ઘણા ફાયદા થાય છે.
બ્લેક કોફીના ફાયદા
ડિપ્રેશન દૂર કરે - બ્લેક કોફીમાં કેફીન હોય છે અને તે નર્વસ સિસ્ટમ અને મગજને ઉત્તેજિત કરે છે. બ્લેક કોફી પીવાથી તણાવ ઓછો થાય છે. જો તમે ડિપ્રેશન, તણાવ, આળસ, વધુ પડતી ઊંઘ વગેરે જેવી સમસ્યાઓથી પરેશાન છો તો બ્લેક કોફી ચોક્કસ પીઓ. બ્લેક કોફી પીવાથી આ બધી સમસ્યાઓ દૂર થઈ જશે.
સ્ટેમિના વધારે - જો તમને જિમ અથવા એક્સરસાઇઝ કરતી વખતે થાક લાગે છે અથવા ખૂબ જ ઓછી એનર્જી અનુભવી રહયા હોય તો તમારે બ્લેક કોફી પીવી જ જોઈએ. વર્કઆઉટ પહેલા કે પછી બ્લેક કોફી પીવાથી બધો થાક દૂર થાય છે. તેનાથી સ્ટેમિના પણ વધે છે. બ્લેક કોફી પીવાથી કેફીનની સાથે સાથે શરીરને એન્ટીઓક્સીડેન્ટ તત્વો પણ મળે છે.
ડાયાબિટીસને કંટ્રોલ કરે - બ્લેક કોફીમાં રહેલા તત્વો ડાયાબિટીસનું જોખમ ઘટાડે છે. જો તમે બ્લેક કોફી પીઓ છો, તો તે શરીરમાં ઇન્સ્યુલિન ઉત્પન્ન કરે છે, જે ડાયાબિટીસનું જોખમ ઘટાડી શકે છે.
દિલ માટે લાભકારી - બ્લેક કોફી પીવી પણ દિલ માટે લાભકારી માનવામાં આવે છે. બ્લેક કોફીમાં ઘણા તત્વો હોય છે જે સ્ટ્રોકનું જોખમ ઘટાડે છે. બ્લેક કોફી પીવાથી દિલ સંબંધિત સમસ્યાઓમાં રાહત મળે છે.
વજન ઘટાડવામાં મદદ કરે - બ્લેક કોફીમાં કેફીન હોય છે જે શરીરમાં મેટાબોલિઝમ વધારે છે. જ્યારે તમે બ્લેક કોફી પીઓ છો, ત્યારે તે ઉર્જા ઉત્પાદનમાં સુધારો કરે છે. તેનાથી ભૂખ ઓછી લાગે છે અને સ્થૂળતા ઝડપથી ઓછી થાય છે.
