વાત એમ છે કે અક્ષયની આ ફિલ્મ ઘણા મહિનાઓથી તૈયાર છે, પરંતુ વિતરકો આને ખરીદી નહોતા રહ્યા. બોલીવુડમાં આ સમાચાર ફેલાયા હતા કે અક્ષય આ ફિલ્મથી ખુશ નથી. જ્યારે નાયક જ આવી વાત કરે તો ફિલ્મ કોણ ખરીદે ? આ અંગેની ચોખવટ કરતા અક્ષયે જણાવ્યુ કે શૂટિંગની શરૂઆતના ત્રણ-ચાર દિવસ સુધી તેમને નિર્દેશક નાગેશ કુકુનૂરની કામ કરવાની રીત નહોતી ગમે, પરંતુ હવે તેમને કોઈ ફરિયાદ નથી. તેઓ ફિલ્મના અંતિમ પરિણામથી ખુશ છે.
ફિલ્મના નાયક જયપુરી(અક્ષય કુમાર)ને સુપરનેચરલ શક્તિઓ મળેલ છે. ભારતીય મૂળના જય કનાડામાં ફોરેસ્ટ રેંજરનુ કામ કરે છે. તેના પિતા કરોડપતિ છે, પરંતુ જય તેમના વ્યવસાયમાં તેમની મદદ કરવા નથી માંગતો કારણ કે એ તેમના વેપાર કરવાની રીતથી ખુશ નથી.
જયની જીંદગીમાં ત્યારે ભૂકંપ આવી જાય છે જ્યારે તેના નજીકના અને મહત્વપૂર્ણ માણસની હત્યા થઈ જાય છે. આ હત્યાનુ રહસ્ય ખોલવા જય પોતાની સુપરનેચરલ શક્તિઓનો ઉપયોગ કરે છે. કેવી રીતે એ પોતાના પ્રશ્નોનો જવાબ શોધે છે, તેને રોમાંચક રીતે સ્ક્રીન પર રજૂ કરવામાં આવ્યુ છે.
