ગુજરાતમાં ભાજપ ફરી એકવાર પ્રચંડ બહુમતી સાથે સત્તામાં આવી ગઇ છે. રાજ્યમાં સાતમી વખત ભાજપની સરકાર બનવા જઈ રહી છે. ગુજરાતમાં ભાજપની આ અત્યાર સુધીની સૌથી મોટી જીત છે. ખાસ વાત એ છે કે પાર્ટીને પહેલી જીત ઝઘડિયા વિધાનસભા સીટ પર મળી હતી. આ સીટ પર પાર્ટીના ઉમેદવાર રિતેશ વસાવાએ પીઢ આદિવાસી નેતા અને સાત વખતના ધારાસભ્ય છોટુભાઈ વસાવાને 23,500 મતોથી હરાવ્યા હતા.
ગુજરાતની જીત પર PM મોદીએ શું કહ્યું?
વડાપ્રધાન નરેન્દ્ર મોદીએ વિધાનસભા ચૂંટણીમાં ભારતીય જનતા પાર્ટી (BJP)ની શાનદાર જીત બદલ ગુજરાતની જનતાનો આભાર માન્યો હતો અને કહ્યું હતું કે વિકાસની રાજનીતિને લોકોએ આશીર્વાદ આપ્યા છે. પીએમ મોદીએ ટ્વીટ કરીને કહ્યું કે તેમના મતે ગુજરાત ભાજપનો દરેક કાર્યકર ચેમ્પિયન છે. તેમણે કહ્યું, “આ ઐતિહાસિક જીત અમારા કાર્યકરોની મહેનત વિના શક્ય ન બની હોત. કાર્યકર્તાઓ જ અમારી પાર્ટીની અસલી તાકાત છે."
આ સાથે તેમણે કહ્યું કે, “આભાર ગુજરાત. અભૂતપૂર્વ ચૂંટણી પરિણામો જોઈને હું ઘણી લાગણીઓથી ભરાઈ ગયો છું. વિકાસની રાજનીતિને લોકોએ આશીર્વાદ આપ્યા. આ સાથે તેમણે એવી ઈચ્છા વ્યક્ત કરી છે કે વિકાસની આ ગતિ વધુ ઝડપથી ચાલુ રહે. હું ગુજરાતની જનશક્તિને નમન કરું છું.
ભારતીય જનતા પાર્ટી (BJP) ગુજરાત વિધાનસભાની ચૂંટણીમાં પ્રચંડ બહુમતી સાથે જીતવાની નજીક પહોંચી ગઈ છે અને રાજ્યના ઈતિહાસમાં અત્યાર સુધીની સૌથી મોટી જીત નોંધાવી છે. હિમાચલ પ્રદેશ વિધાનસભા ચૂંટણીના પરિણામો પર મોદીએ કહ્યું કે ભાજપ રાજ્યની જનતાની આકાંક્ષાઓને પૂર્ણ કરવા માટે કામ કરવાનું ચાલુ રાખશે. તેમણે એક ટ્વિટમાં કહ્યું, “હું હિમાચલ પ્રદેશના લોકોનો ભાજપ પ્રત્યેના પ્રેમ અને સમર્થન માટે આભાર માનું છું. અમે રાજ્યની આકાંક્ષાઓને પૂર્ણ કરવા અને આવનારા સમયમાં લોકોના પ્રશ્નો ઉઠાવવા માટે કામ કરવાનું ચાલુ રાખીશું.
