India vs Australia 5th T20: વરસાદને કારણે રદ્દ થઈ અંતિમ ટી20 મેચ, ટીમ ઈંડિયાએ 2-1 થી જીતી સીરિઝ

India vs Australia 5th T20 : ભારત અને ઓસ્ટ્રેલિયા વચ્ચે પાંચ મેચની T20 શ્રેણીની અંતિમ મેચ બ્રિસ્બેનના ગાબા સ્ટેડિયમ ખાતે રમાઈ રહી હતી. ટોસ જીતીને ઓસ્ટ્રેલિયન કેપ્ટન મિશેલ માર્શે પહેલા બોલિંગ કરવાનો નિર્ણય લીધો. ભારતે 4.5 ઓવર સુધી બેટિંગ કર્યા પછી, વરસાદને કારણે રમત રોકી દેવામાં આવી હતી, જેના કારણે મેચ રદ કરવાનો નિર્ણય લેવામાં આવ્યો હતો. આ સાથે, ટીમ ઈન્ડિયાએ T20 શ્રેણી પણ 2-1થી જીતી લીધી. ભારતીય ટીમે T20 શ્રેણીની ચોથી મેચ એકતરફી 48 રનથી જીતી લીધી, જેમાં ઓલરાઉન્ડર અક્ષર પટેલે બેટ અને બોલ બંનેથી શાનદાર પ્રદર્શન કર્યું. આવતા વર્ષે યોજાનાર T20 વર્લ્ડ કપ પહેલા ટીમ ઈન્ડિયાની વિદેશી ધરતી પર આ છેલ્લી T20 મેચ પણ હતી. ભારતીય ટીમ પાસે હવે વર્લ્ડ કપ પહેલા ઘરઆંગણે રમવાની બે વધુ T20 શ્રેણી છે.