કેનેડામાં કપિલ શર્માના કાફેમાં ગોળીબાર થયો છે. આ ગોળીબારમાં કોઈને ઈજા થઈ નથી. કપિલ શર્માએ કેનેડામાં એક નવું રેસ્ટોરન્ટ ખોલ્યું છે. કેનેડિયન પોલીસે હુમલાખોરોની શોધ શરૂ કરી છે. કહેવામાં આવી રહ્યું છે કે આતંકવાદી હરજીત સિંહ લાડીએ હુમલાની જવાબદારી લીધી છે. હરજીત સિંહ લાડી NIAનો મોસ્ટ વોન્ટેડ આતંકવાદી છે અને ગુનાહિત પ્રવૃત્તિઓમાં સામેલ છે. આરોપી હરજીતનો દાવો છે કે તે કપિલ શર્માની કેટલીક ટિપ્પણીઓથી ગુસ્સે હતો, જેના પછી તેણે આ પગલું ભર્યું.
તાજેતરમાં જ કર્યું હતું ઓપનીંગ
ઉલ્લેખનીય છે કે કપિલ શર્મા હાલમાં તેના નેટફ્લિક્સ શો 'ધ ગ્રેટ ઇન્ડિયન કપિલ શો' ની ત્રીજી સીઝનમાં વ્યસ્ત છે. આ સાથે કપિલ શર્માએ તાજેતરમાં કેનેડામાં એક કાફે ખોલ્યો હતો. કપિલ શર્માએ તેના સોફ્ટ લોન્ચમાં પણ હાજરી આપી હતી. તાજેતરમાં કપિલ શર્માની પત્ની ગિન્નીએ પણ કાફેનો એક વીડિયો શેર કર્યો હતો અને અહીં આવેલા લોકોનો આભાર માન્યો હતો. હવે એક કેનેડિયન આતંકવાદીએ કપિલના આ કાફે પર ગોળીબાર કર્યો છે. હવે પોલીસે આ મામલાની તપાસ શરૂ કરી છે. આ ગોળીબારનો એક વીડિયો પણ વાયરલ થઈ રહ્યો છે.
