જો તમે પણ સોની ચેનલ પર છેલ્લા 15 વર્ષથી ચાલતા ડિટેક્ટિવ શો 'સીઆઈડી'ના ચાહક હોવ તો તમારા માટે ખુશખબર છે.
P.R
લાંબા સમયથી ચાલતા આ શો પરથી હવે એક ફિલ્મ બનવા જઈ રહી છે જેમાં વધારે એક્શન અને અનોખી સ્ટોરી લાઈન હશે. પ્રોડ્યુસર બીપી સિંહે કહ્યુ હતું કે, "સીઆઈડીની કાસ્ટ સાથે જ એક ફિલ્મ બનશે, પણ એક મુખ્ય વિલન બહારનો હશે."
21 જાન્યુઆરી, 1998થી સીઆઈડીના લોયલ દર્શકો રહ્યા છે અને શોના 824 એપિસોડમાં 615થી વધુ કિસ્સાઓ દેખાડવામાં આવ્યા છે. પ્રોડ્યુસર એવી વાર્તા બતાડવા માંગે છે જે સામાન્ય સીઆઈડી એપિસોડ કરતા અલગ હોય. ફિલ્મનું શૂટિંગ આ વર્ષા અંત સુધીમાં શરૂ થશે.
આ પહેલા, 'ઓફિસ ઓફિસ' અને 'ખીચડી' જેવી સીરિયલ પરથી ફિલ્મ બની ચૂકી છે. અલબત્ત, આ ફિલ્મો બોક્સ ઓફિસ પર ખાસ ઉકાળી નહોતી શકી..તેમ છતાં, સીઆઈડી પાસેથી વધુ કલેક્શનની અપેક્ષા સેવાઈ રહી છે.