મોરબી જીલ્લાના હળવદ નગરમાં એક 16 વર્ષની યુવતી પર એક શખ્સ દ્વારા બળાત્કાર ગુજારવામાં આવતા તે ગર્ભવતી બની હતી. યુવતીની માતાએ રવિવારે મોડી રાત્રે હળવદ પોલીસમાં ફરિયાદ નોંધાવી હતી કે, યુવકે લગ્નના બહાને તેની પુત્રી પર વારંવાર બળાત્કાર ગુજાર્યો હતો.
આરોપી જીજ્ઞેશ તડવી અને બળાત્કાર પીડિતાનો પરિવાર હળવદના એક જ વિસ્તારમાં રહે છે અને ખેતમજૂરી કરે છે. આ તમામ છોટા ઉદેપુરના રહેવાસી છે. જ્યારે બાળકીની માતાને ખબર પડી કે સગીર સગર્ભા છે, ત્યારે તેણે તેને ગર્ભપાતની ગોળી આપી, જેના કારણે પેટમાં ગંભીર ગરબડ થઈ અને લોહી નીકળ્યું હતું.
બાળકીને સારવાર માટે રાજકોટની સિવિલ હોસ્પિટલમાં દાખલ કરવામાં આવી છે. પોલીસે જણાવ્યું કે પીડિતા ચાર ભાઈ-બહેનોમાં સૌથી મોટી છે, આરોપીની ધરપકડ કરવાની બાકી છે. આ પરિવારો છેલ્લા ચાર વર્ષથી મોરબીમાં કામ કરે છે.
ગુજરાતમાં છેલ્લા બે વર્ષમાં બળાત્કારના ઓછામાં ઓછા 3796 અને સામૂહિક બળાત્કારના 61 કેસ નોંધાયા છે. તાજેતરમાં રાજ્ય સરકારે વિધાનસભામાં આ માહિતી આપી હતી. મુખ્યમંત્રી ભૂપેન્દ્ર પટેલે વર્તમાન બજેટ સત્રના પ્રશ્નકાળ દરમિયાન તેમના લેખિત જવાબમાં જણાવ્યું હતું કે ડિસેમ્બર 2021 સુધી, 203 લોકોની જેઓ FIRમાં આરોપી તરીકે નામ આપવામાં આવ્યા છે તેમની પોલીસ દ્વારા ધરપકડ કરવાની બાકી છે.
