ગુજરાતના પોરબંદર સુભાષનગર જેટી પર લંગરાયેલી એક બોટમાં આગ લાગી હતી. જામનગર સ્થિત HRM & સન્સની આ બોટ ચોખા અને ખાંડથી ભરેલી હતી, જેમાં આગ લાગી હતી. આગ લાગવાની માહિતી મળતા જ ત્રણ ફાયર એન્જિન ઘટનાસ્થળે દોડી ગયા હતા. ચોખાથી ભરેલી બોટમાં આગ લાગી હોવાથી થોડી જ વારમાં તે ગંભીર સ્વરૂપ ધારણ કરી ગઈ હતી, તેથી બોટને દરિયાની વચ્ચે ખેંચી લેવામાં આવી હતી. મળતી માહિતી મુજબ, આ બોટ સોમાલિયાના બોસાસો જઈ રહી હતી, ત્યારે આગ લાગી હતી. હાલમાં આગ પર કાબુ મેળવવાના પ્રયાસો ચાલી રહ્યા છે.
પોરબંદરના ઓલવેધર પોર્ટ પર આજે સોમવારે (22 સપ્ટેમ્બર) સવારે એક માલવાહક જહાજમાં ભીષણ આગ લાગવાની ઘટના બની છે. આ જહાજ 950 ટન ચોખા અને 78 ટન ખાંડ ભરીને સોમાલિયા જવા રવાના થવાનું હતું. આગ લાગતાં જ તાત્કાલિક બચાવ કામગીરી શરૂ કરવામાં આવી હતી, જેને પગલે 14 ક્રૂ-મેમ્બર્સને બચાવી લેવાયા હતા. આગને કારણે જહાજને ભારે નુકસાન થયું હોવાનું જાણવા મળી રહ્યું છે. આગ કયા કારણસર લાગી એ અંગેની વિગતો હજુ સુધી બહાર આવી નથી અને આ મામલે તપાસ ચાલી રહી છે.
