ચક્રવાત બિપરજોય 15 જૂનની રાત્રે કચ્છના દરિયાકાંઠે ત્રાટક્યું હતું. બે દિવસ બાદ પણ સૌરાષ્ટ્ર-કચ્છ સહિત ઉત્તર ગુજરાતના અનેક શહેરોમાં વરસાદ ચાલુ છે. બનાસકાંઠામાં વરસાદના કારણે બનાસ નદીના પાણી આબુ રોડ પર પહોંચ્યા હતા.
જેના કારણે પાલનપુર-અંબાજી હાઇવે બંધ કરી દેવામાં આવ્યો છે. અહીં અમદાવાદ-દિલ્હી હાઈવે પાણીમાં ગરકાવ છે. હાઇવે બંને દિશામાં બંધ છે. શક્તિપીઠ અંબાજીમાં પૂરના કારણે રાજસ્થાન અને ગુજરાતમાંથી આવતા શ્રદ્ધાળુઓ પરત ફરી રહ્યા છે.
પાટણમાં બનેલા ગુજરાતના સૌથી મોટા સોલાર પ્લાન્ટને તોફાનથી ભારે નુકસાન થયું છે. જોરદાર પવનને કારણે ચરણકા પ્લાન્ટની સોલાર પેનલ વાંકા વળી ગઈ છે અને આ વિસ્તારમાં પાણી ભરાઈ ગયા છે. પૂરના કારણે પાટણના સેંકડો ગામડાઓનો સંપર્ક કપાઈ ગયો છે.
