Select Your Language

Notifications

webdunia
webdunia
webdunia
webdunia

ગુજરાતમાં મેઘમહેરઃ 25 જિલ્લા અને 97 તાલુકાઓમાં સાત ઇંચ સુધીનો વરસાદ

ગુજરાતમાં મેઘમહેરઃ 25 જિલ્લા અને 97 તાલુકાઓમાં સાત ઇંચ સુધીનો વરસાદ
, શુક્રવાર, 28 જૂન 2019 (14:18 IST)
રાજ્યમાં ભારે વરસાદ પડવાની હવામાન વિભાગની આગાહી વચ્ચે મોટાભાગનાં જિલ્લાઓમાં વરસાદી માહોલ જામ્યો છે. ક્યાંક ધીમી ધારે તો ક્યાંક ખૂબ સારો વરસાદ થયો છે. ખાસ કરી દક્ષિણ ગુજરાતનાં તમામ જિલ્લા-તાલુકાઓમાં મેઘમહેર જોવા મળી છે. ભરૂચ જિલ્લાના અંક્લેશ્વર તાલુકામાં સૌથી વધુ 172 મી.મી. એટલે કે સાત ઇંચ વરસાદ વરસ્યો હતો. રાજ્યના 25 જિલ્લાઓના 97 તાલુકામાં મેઘમહેર યથાવત રહી છે. જ્યારે 29 તાલુકામાં એક ઇંચથી વધુ અને અન્ય 68 તાલુકામાં એક ઇંચથી ઓછો એટલે કે ઝરમર વરસાદ વરસ્યો હોવાના અહેવાલ છે. રાજ્યના સ્ટેટ ઇમરજન્સી ઓપરેશન સેન્ટર દ્વારા મળેલા અહેવાલો મુજબ, 97 તાલુકામાં સાત ઇંચ સુધીનો વરસાદ વરસ્યો હતો. જેમાં ચાર ઇંચથી વધુ વરસાદ વરસ્યો હોય તેવા 4 તાલુકાનો સમાવેશ થાય છે. 
webdunia
ભરૂચ જિલ્લાના અંક્લેશ્વર તાલુકામાં 172 મી.મી., ભરૂચ તાલુકામાં 118 મી.મી., સુરત જિલ્લાના કામરેજમાં 110 મી.મી. અને માંગરોળમાં 105 મી.મી. વરસાદ વરસ્યો હતો. પંચમહાલ જિલ્લાનાં જાંબુઘોડામાં 75 મી.મી એટલે કે ત્રણ ઇંચ જેટલો વરસાદ વરસ્યો હતો. રાજ્યના 6 તાલુકામાં બે ઇંચથી વધુ અને ત્રણ ઇંચથી ઓછો વરસાદ વરસ્યો હતો. જેમાં સુરતના પલસાણામાં 66 મી.મી., ભરૂચના વાલીયામાં 64 મી.મી., નવસારીના ગણદેવીમાં 63 મી.મી., છોટાઉદેપુરના ક્વાંટમાં 59 મી.મી., બનાસકાંઠાના સૂઇગામ અને સુરેન્દ્રનગરનાં લખતરમાં ૫૨ મી.મી. વરસાદ વરસ્યો હતો. રાજ્યના 18 તાલુકાઓમાં એક ઇંચથી વધુ અને બે ઇંચથી ઓછો વરસાદ વરસ્યો હતો. જેમાં નાંદોદ, હાંસોટ, જાંબુસર, ચિખલી, રાધનપુર, સાવરકુંડલા, દેત્રોજ, શિનોર, ગીર ગઢડા, સુરતના માંડવી, પાદરા, ઝઘડીયા, જલાલપોર, વાપી, વઘઈ, જેતપુર પાવી, હાલોલ તેમજ નવસારી તાલુકાનો સમાવેશ થાય છે.
webdunia

આ ઉપરાંત શંખેશ્વર, બોટાદ, ગઢડા, ખેરગામ, કરજણ, પારડી, મહુવા(સુરત), ધરમપુર, હારીજ, સરસ્વતી, કાલાવાડ, કોડીનાર, નેત્રાંગ, જોટાણા, સુત્રાપાડા, બોરસદ, તિલકવાડા, પડધરી, તળાજા, વલસાડ, બોડેલી, વાંસદા અને આંકલાવ મળીને કુલ ૨૩ તાલુકામાં અડધા ઇંચથી વધુ અને એક ઇંચથી ઓછો વરસાદ વરસ્યો હતો. જ્યારે માણસા, ચોર્યાસી, સાણંદ, ડભોઇ, વસો, ઉમરપાડા, ચાણસ્મા, મહુવા(ભાવનગર), માળિયા, વિરમગામ, સંખેડા, વાગરા, કુકરમુંડા, બારડોલી, સાંતલપુર, ભાભર, ધાનેરા, માતર અને કપરાડામાં મળી કુલ 19 તાલુકામાં 6 મી.મી.થી વધુ અને અડધા ઇંચથી ઓછો વરસાદ વરસ્યો હતો. અન્ય 26 તાલુકાઓમાં 6 મી.મી.થી ઓછો ઝરમર વરસાદ વરસ્યો હતો.
webdunia

Share this Story:

Follow Webdunia gujarati

આગળનો લેખ

પત્નીને કૂતરા સાથે અપ્રાકૃતિક સેક્સ માટે મજબૂર કરનારા પતિને સજા