આજે રાજ્યસભાની 57 બેઠકોમાંથી 16 બેઠકો માટે ચૂંટણી યોજાશે. શુક્રવારે જે 16 બેઠકો પર ચૂંટણી યોજાઈ રહી છે એમાં મહારાષ્ટ્ર, કર્ણાટક અને હરિયાણા છે.
41 બેઠકો પર પહેલાંથી જ ઉમેદવારોને નિર્વિરોધ જીતી ચૂક્યા છે. મતદાન સવાર નવ વાગ્યે શરૂ થઈ ગયું છે અને સાંજે ચાર વાગ્યા સુધી ચાલશે.
આ દરમિયાન મહારાષ્ટ્રમાં એઆઈએમઆઈએમે રાજ્યસભા ચૂંટણીમાં મહાવિકાસ અઘાડીને મત આપવાની જાહેરાત કરી છે.
મહારાષ્ટ્રમાં આજે છ બેઠકો પર રાજ્યસભાની ચૂંટણી યોજાઈ રહી છે. અહીં અપક્ષ ધારાસભ્યોની ભૂમિકા મહત્ત્વની માનવામાં આવી રહી છે.
રાજસ્થાનમાં ચાર બેઠકો માટે મતદાન થઈ રહ્યું છે. કૉંગ્રેસમાં ત્રણ, ભાજપમાં એક અને એક બીજેપી સમર્થિત અપક્ષ ઉમેદવાર મેદાનમાં છે.
રાજ્યમાં વિધાનસભાની 200 બેઠકો છે. આ દરમિયાન સુભાષચંદ્રા ક્રૉસ વોટિંગ થકી પોતાના વિજયનો દાવો કરી ચૂક્યા છે.
કર્ણાટકમાં રાજ્યસભાની ચાર બેઠકો માટે ચૂંટણી યોજાઈ રહી છે. તો હરિયાણામાં રાજ્યસભાની બે બેઠકો માટે ચૂંટણી યોજાઈ રહી છે.
