10 મિનિટમાં ડિલીવરી.માણસ છીએ અમે... હૈદરાબાદમાં 25 વર્ષના ડિલીવરી બોયના મોતથી ગિગ વર્કર્સનો ફુટ્યો ગુસ્સો

zepto boy death

હૈદરાબાદ હૈદરાબાદના રસ્તા પર થયેલી એક દર્દનાક ઘટનાએ ફરીથી આ સવાલ ઉભો કર્યો છે કે શુ ઝડપી ડિલીવરીની દોડમાં માણસના જીવની કિમંત ઓછી થઈ ગઈ છે ? 25 વર્ષના અભિષેક જે પોતાના પરિવારને મદદ કરવા માટે અભ્યાસ સાથે ડિલીવરી બોયનુ કામ કરી રહ્યો હતો. એક ઓર્ડર સમયસર પહોચાડવાની ઉતાવળમાં પોતાનો જીવ ગુમાવી બેસ્યો. તેની બાઈક લપસી પડી અને પાછળથી આવી રહેલી એક પ્રાઈવેટ બસે તેને કચડી નાખ્યો.   

સોમવારે મોડી રાત્રે મહેદીપટ્ટનમ નજીક એક માર્ગ અકસ્માતમાં ક્વિક ડિલિવરી ઈ-કોમર્સ પ્લેટફોર્મ માટે કામ કરતા 25 વર્ષીય ડિલિવરી પાર્ટનરનું મૃત્યુ થયું. મૃતકની ઓળખ કે. અભિષેક તરીકે થઈ છે, જે શેખપેટનો રહેવાસી અને બીબીએનો અંતિમ વર્ષનો વિદ્યાર્થી હતો. તે પોતાના પરિવારનું ગુજરાન ચલાવવા માટે ડિલિવરી પર્સન તરીકે કામ કરતો હતો.

અકસ્માત કેવી રીતે બન્યો?

25-year-old Abhishek worked as a delivery person with Zepto in Hyderabad. He was crushed to death by a bus while riding his two-wheeler in the Mehdipatnam area and died on the spot.

Following his death, the gig workers’ union has demanded justice for his family from delivery… pic.twitter.com/79KzwjHzEJ

— Vani Mehrotra (@vani_mehrotra) January 8, 2026

મહેદીપટ્ટનમ પોલીસના જણાવ્યા અનુસાર, અભિષેક ઓર્ડર ડિલિવરી કરવા માટે ટોલીચોકી જઈ રહ્યો હતો ત્યારે તેની બાઇક સ્લીપ થઈ ગઈ અને પાછળથી આવતી ખાનગી ટ્રાવેલ બસે તેને કચડી નાખ્યો. તેનું ઘટનાસ્થળે જ મૃત્યુ થયું. પોલીસે કેસ નોંધીને તપાસ શરૂ કરી છે. પ્રારંભિક અહેવાલો દર્શાવે છે કે અભિષેક ડિલિવરી પૂર્ણ કરવા માટે ઉતાવળમાં હતો. પોલીસે તમામ ગિગ વર્કર્સને હેલ્મેટ પહેરવા અને સલામતીને પ્રાથમિકતા આપવા અપીલ કરી છે.

યુનિયનો વળતરની માંગ કરે છે

આ ઘટનાથી ગિગ વર્કર્સ યુનિયનોમાં રોષ ફેલાયો છે. તેલંગાણા ગિગ એન્ડ પ્લેટફોર્મ વર્કર્સ યુનિયન (TGPWU) એ આ અકસ્માતને "10-મિનિટ ડિલિવરી મોડેલ" નું સીધું પરિણામ ગણાવ્યું છે. યુનિયનના સ્થાપક-મુખ્ય શેખ સલાહુદ્દીને NDTV ને જણાવ્યું હતું કે 10 મિનિટની ડિલિવરી હંમેશા સમયસર શરૂ થાય છે. ₹100 કરોડના સ્પીડ પ્રોજેક્ટ્સ સમયસર શરૂ થાય છે. પરંતુ જ્યારે કોઈ કામદાર રસ્તા પર મૃત્યુ પામે છે, ત્યારે વીમો અને વળતર સમયસર કેમ શરૂ કરવામાં આવતું નથી? કામદારો માણસો છે, અલ્ગોરિધમ્સ નહીં. યુનિયને તેલંગાણાના શ્રમ મંત્રીને પત્ર લખીને તાત્કાલિક હસ્તક્ષેપની માંગ કરી છે.