સેમ પિત્રોડાની ટિપ્પણીને લઈને દેશમાં વિવાદ સર્જાયો છે. કોંગ્રેસે પણ તેમની ટિપ્પણીઓથી પોતાને દૂર રાખ્યા અને તેમને દુર્ભાગ્યપૂર્ણ અને અસ્વીકાર્ય ગણાવ્યા. જે બાદ સેમ પિત્રોડાએ પોતાનું રાજીનામું મલ્લિકાર્જુન ખડગેને મોકલી આપ્યું હતું જેને તેમણે સ્વીકારી પણ લીધું છે.
કોંગ્રેસ નેતા સેમ પિત્રોડાએ ઈન્ડિયન ઓવરસીઝ કોંગ્રેસના પ્રમુખ પદેથી રાજીનામું આપી દીધું છે. જયરામ રમેશે માહિતી આપી છે કે કોંગ્રેસ અધ્યક્ષ મલ્લિકાર્જુન ખડગેએ સામ પિત્રોડાનું રાજીનામું સ્વીકારી લીધું છે. આજે જ, સેમ પિત્રોડાનાં બીજા નિવેદન પર વિવાદ થયો હતો જેમાં તેમણે કહ્યું હતું કે "પૂર્વના લોકો ચીન અને દક્ષિણ ભારતીય આફ્રિકન જેવા દેખાય છે." શાસક ભાજપે પિત્રોડા પર તેમની "જાતિવાદી" ટિપ્પણીઓ પર પ્રહાર કર્યો અને દાવો કર્યો કે તેઓએ વિરોધ પક્ષની "વિભાજનકારી" રાજનીતિનો પર્દાફાશ કર્યો છે.
એક વીડિયોમાં સેમ પિત્રોડાને કહેતા સાંભળી શકાય છે કે 'ભારત એક અત્યંત વિવિધતા ભરેલો દેશ છે, જ્યાં પૂર્વી ભારતમાં રહેતા લોકો ચીનના લોકો જેવા, પશ્ચિમમાં રહેનાર અરબ જેવા, ઉત્તર ભારતમાં રહેતા લોકો ગોરાઓ જેવા જેમ અને દક્ષિણમાં રહેનારા આફ્રિકન લોકોની જેમ દેખાય છે, પરંતુ એનાથી ફરક પડતો નથી, આપણે બધાં ભાઈ-બહેન છીએ. આપણે તમામ ભાષાઓનું સન્માન કરીએ છીએ.'
તેમણે કહ્યું હતું કે આપણે વિવિધ ભાષા, ધર્મ અને રીતિ-રિવાજોનું સન્માન કરીએ છીએ. આ એ જ ભારત છે, જેના પર મારો વિશ્વાસ છે, જ્યાં દરેક વ્યક્તિનું સન્માન છે અને દરેક વ્યક્તિ કોઈ ને કોઈ જગ્યાએ થોડો સમજૂતી કરે છે.
કોંગ્રેસે તેને દુર્ભાગ્યપૂર્ણ અને અસ્વીકાર્ય ગણાવ્યું હતું
જોકે, કોંગ્રેસે પિત્રોડાની ટિપ્પણીઓથી પોતાને દૂર રાખ્યા હતા અને તેમને દુર્ભાગ્યપૂર્ણ અને અસ્વીકાર્ય ગણાવ્યા હતા. પાર્ટીએ કહ્યું હતું કે તે આ ટિપ્પણીઓથી પોતાને "સંપૂર્ણપણે અલગ" કરે છે. પિત્રોડાની ટિપ્પણીથી પોતાને અલગ કરીને, કોંગ્રેસના મહાસચિવ જયરામ રમેશે 'X' પર કહ્યું હતું કે, "સેમ પિત્રોડા દ્વારા ભારતની વિવિધતા સાથે આપવામાં આવેલી સામ્યતા અત્યંત ખોટી અને અસ્વીકાર્ય છે. ભારતીય રાષ્ટ્રીય કોંગ્રેસ આ સામ્યતાઓથી પોતાને સંપૂર્ણપણે અલગ કરે છે.
