Raipur: Explosion on the second floor of the building- છત્તીસગઢની રાજધાની રાયપુરમાં શનિવારે એક રહેણાંક-કમ-કોમર્શિયલ બિલ્ડિંગમાં આગ ફાટી નીકળતાં એક મહિલા સહિત બે લોકોનાં મોત થયાં અને અન્ય બે લોકો ઘાયલ થયા. પોલીસ અધિકારીઓએ આ જાણકારી આપી.
અહીંના એક વરિષ્ઠ પોલીસ અધિકારીએ જણાવ્યું હતું કે મોડી સાંજે દેવેન્દ્ર નગર પોલીસ સ્ટેશન વિસ્તાર હેઠળના મિની માતા ચોક નજીક એક બિલ્ડિંગના બીજા માળે આગની જ્વાળાઓ જોવા મળી હતી, જેના પગલે પોલીસ ટીમને ઘટનાસ્થળે મોકલવામાં આવી હતી. તેમણે કહ્યું કે ફાયર બ્રિગેડ અને એમ્બ્યુલન્સ સાથે પોલીસની ટીમ ઘટનાસ્થળે પહોંચી અને બચાવ કામગીરી શરૂ કરી દીધી.
પોલીસ અધિકારીએ જણાવ્યું કે પરિસરમાં પ્રવેશતા જ ગાઢ ધુમાડો હતો અને એક પુરુષ અને એક મહિલા બેભાન અવસ્થામાં પડ્યા હતા, બંનેને તાત્કાલિક હોસ્પિટલમાં લઈ જવામાં આવ્યા હતા જ્યાં તેમને મૃત જાહેર કરવામાં આવ્યા હતા. પોલીસ અધિકારીએ કહ્યું કે અન્ય બે લોકોને બચાવી લેવામાં આવ્યા છે અને તેમને હોસ્પિટલમાં દાખલ કરવામાં આવ્યા છે. તેમણે કહ્યું કે મૃતકોની ઓળખ કરવામાં આવી રહી છે. અધિકારીએ કહ્યું, "આગ લાગવાના કારણ વિશે હજુ સુધી માહિતી મળી નથી. આગ લાગતા પહેલા સ્થાનિક લોકોએ વિસ્ફોટનો અવાજ સાંભળ્યો હતો." તેમણે કહ્યું કે પોલીસે આ મામલે તપાસ શરૂ કરી દીધી છે.
