Delhi News: મહારાષ્ટ્રના પૂર્વ મુખ્યમંત્રી અને વરિષ્ઠ કોંગ્રેસ નેતા પૃથ્વીરાજ ચૌહાણે ઓપરેશન સિંદૂર ને લઈને આપવામાં આવેલ વિવાદિત નિવેદન પર નમતુ લેવાની સ્પષ્ટ ના પાડી દીધી છે. બુધ વઆરે મીડિયા સાથે વાત કરતા ચૌહાણે બે ટૂકમાં કહ્યુ 'હુ માફી નહી માંગુ.. મે કશુ પણ ખોટુ કહ્યુ નથી અને દિલગીરી બતાવવાની કોઈ જરૂર નથી". ચોહાણનુ આ વલણ એ આગમાં ઘી નાખવાનુ કામ કર્યુ છે જેને લઈને ભારતીય જનતા પર્ટી (BJP) સંસદન ચાલુ સત્રમાં કોંગ્રેસને ઘેરવાની તૈયારી કરી ચુકી છે.
શુ કહ્યુ હતુ પૃથ્વીરાજ ચોહાણે ?
તાજેતરમાં જ પુણેમાં આયોજીત એક કાર્યક્રમમાં પૃથ્વીરાજ ચૌહાણે દાવો કર્યો હતો કે મે માં પાકિસ્તાન સાથે ઓપરેશન સિંદૂર પહેલા જ દિવસ ભારતની હાર થઈ હતી. તેમણે દાવો કર્યો કે પાકિસ્તાની સેનાએ પહેલા દિવસે ભારતીય સૈન્ય વિમાનોને ઠાર કરવામાં આવ્યા હતા જેના કારણે ભારતીય વાયુ સેના (IAF) સંપૂર્ણ રીતે ગ્રાઉંડેડ થઈ ગઈ હતી. આજે સવારે પોતાના નિવેદન પર કાયમ રહેતા તેમણે કહ્યુ, 'હુ હવે બીજુ કંઈ કહેવા માંગતો નથી. તેની કોઈ જરૂર નથી.'
સેનાનુ અપમાન કોંગ્રેસની ઓળખ
ચૌહાણે આ નિવેદન પછી ભાજપાને કોંગ્રેસ વિરુદ્ધ મોરચો ખોલી દીધો છે. ભાજપા નેતાઓએ તેને રાષ્ટ્રવિરોધી અને પાકિસ્તાની પ્રોપેગેંડાને પ્રોત્સાન આપનારુ બતાવ્યુ છે.
ભાજપા પ્રવક્તા શહજાદ પૂનાવાલાએ કહ્યુ સેનાનુ અપમાન કરવુ કોગ્રેસનુ હોલમાર્ક બની ગયુ છે. આ ફક્ત ચૌહાણનુ નિવેદન નથી. આ રાહુલ ગાંધીની માનસિકતા દર્શાવે છે. આ જ કારણ છે કે પાર્ટી આવા નેતાઓ પર કોઈ કાર્યવાહી નથી કરતી.
કેન્દ્રીય મંત્રી ગિરિરાજ સિંહે કહ્યું, "કોઈને પણ સેનાની બહાદુરીનું અપમાન કરવાનો અધિકાર નથી. જે લોકો આવું કરે છે તેઓ ક્યારેય રાષ્ટ્રીય હિત વિશે વિચારી શકતા નથી."
સાંસદ અને ભૂતપૂર્વ ડીજીપી બ્રિજ લાલે કહ્યું, "કોંગ્રેસ હંમેશા પાકિસ્તાન તરફી રહી છે. જ્યારે રાહુલ ગાંધી વિદેશ જાય છે, ત્યારે તેઓ ભારતનું અપમાન કરે છે. જનતા તેમને પાઠ ભણાવશે."
કોંગ્રેસે પોતાને દૂર રાખતા કહ્યું, "અમને અમારી સેના પર ગર્વ છે."
વધતા વિવાદને જોઈને, કોંગ્રેસ પાર્ટીએ ચવ્હાણના નિવેદનથી પોતાને દૂર રાખ્યા. ઝારખંડના સાંસદ સુખદેવ ભગતે કહ્યું, "ફક્ત પૃથ્વીરાજ ચવ્હાણ જ પોતાના સ્ત્રોતો જાહેર કરી શકે છે, પરંતુ અમને અમારી સેના પર ગર્વ છે. આતંકવાદ સામેની લડાઈમાં કોંગ્રેસ સરકાર સાથે ઉભી છે." દરમિયાન, પ્રમોદ તિવારીએ સેનાની પ્રશંસા કરી, પરંતુ કટાક્ષમાં યાદ અપાવ્યું કે ઇન્દિરા ગાંધીના રાજકીય નેતૃત્વ હેઠળ, આપણી સેના વિશ્વ ચેમ્પિયન હતી.
'ઓપરેશન સિંદૂર' ની વાસ્તવિકતા શું છે?
ઓપરેશન સિંદૂર 22 એપ્રિલે જમ્મુ અને કાશ્મીરના પહેલગામમાં થયેલા આતંકવાદી હુમલા સામે ભારતની બદલો લેવાની લશ્કરી કાર્યવાહી હતી. તે સમયે ભારતે પાકિસ્તાન અને પીઓકેમાં નવ આતંકવાદી ઠેકાણાઓનો નાશ કર્યો હતો. એર ચીફ માર્શલ એપી સિંહે ઓક્ટોબરમાં સ્પષ્ટતા કરી હતી કે પાકિસ્તાને સેંકડો ડ્રોન અને મિસાઇલો છોડ્યા હતા, જેને ભારતે નિષ્ફળ બનાવ્યા હતા. ભારતે ઓછામાં ઓછા ચાર પાકિસ્તાની ફાઇટર જેટ (F-16 અને J-17) તોડી પાડ્યા હતા અને તેમના રડાર સિસ્ટમ અને રનવેનો નાશ કર્યો હતો. પાકિસ્તાને એક ભારતીય રાફેલ વિમાન તોડી પાડવાનો દાવો કર્યો હતો, પરંતુ એર ચીફ માર્શલે આ દાવાઓને સ્પષ્ટપણે નકારી કાઢ્યા હતા, અને તેમને "પાકિસ્તાની જનતાને મૂર્ખ બનાવવા માટે રચાયેલ પ્રચાર" ગણાવ્યા હતા. આજ સુધી, પાકિસ્તાન તેના દાવાઓ માટે કોઈ પુરાવા આપવામાં નિષ્ફળ રહ્યું છે.
