તમિલનાડુના કરુરમાં અભિનેતા વિજયની રેલીમાં થયેલી ભાગદોડમાં જીવ ગુમાવનારા 39 લોકોની વિગતો બહાર આવી છે. મૃતકોમાં 10 બાળકો અને 16 મહિલાઓનો સમાવેશ થાય છે. પોસ્ટમોર્ટમ પછી આડત્રીસ મૃતદેહોની ઓળખ કરવામાં આવી છે અને તેમના પરિવારોને સોંપવામાં આવ્યા છે. ભાગદોડમાં મૃત્યુ પામેલા 39 લોકોમાંથી 28 કરુર જિલ્લાના રહેવાસી હતા. મૃતકોમાંથી સાત એક ગામના રહેવાસી હતા.
બે માસૂમ છોકરીઓએ જીવ ગુમાવ્યો છે.
તિરુચિરાપલ્લી જિલ્લાના રહેવાસી થમરૈક્કનન, જેમના લગ્ન એક વર્ષ પહેલા જ થયા હતા, તેમણે જીવ ગુમાવ્યો. તેમની પત્ની 9 મહિનાની ગર્ભવતી હતી. કરુરના વિશ્વનાથપુરી વિસ્તારની રહેવાસી હેમલથા અને તેમની બે પુત્રીઓનું પણ મૃત્યુ થયું. ડિંડીગુલ જિલ્લા કલેક્ટર એસ. સરવનન અને તમિલનાડુના આરોગ્ય સચિવ પી. સેન્થિલ કુમારે ઘાયલો વિશે આરોગ્ય અપડેટ્સ આપ્યા.
પરિવારોને મૃતદેહો સોંપાયા
આરોગ્ય મંત્રીએ જણાવ્યું હતું કે ભાગદોડમાં માર્યા ગયેલા 38 લોકોના મૃતદેહોની ઓળખ થઈ ગઈ છે, પોસ્ટમોર્ટમ કરવામાં આવ્યું છે અને તેમના પરિવારોને સોંપવામાં આવી રહ્યા છે. 67 ઘાયલોની સારવાર ચાલુ છે, અને બેની હાલત ગંભીર છે.
