જમ્મુ અને કાશ્મીરમાં ગ્રેનેડ હુમલો થયો છે. પોલીસ પેટ્રોલિંગ પાર્ટી પર ગ્રેનેડથી હુમલો કરવામાં આવ્યો. સદનસીબે, ગ્રેનેડ પોલીસ વાહનથી થોડે દૂર પડ્યો અને પોલીસ કર્મચારીઓ માંડ માંડ બચી ગયા. કોઈ જાનહાનિના સમાચાર નથી. વિસ્ફોટ બાદ, સેના અને પોલીસની SOG ટીમ રાજૌરીના થાણા મંડી વિસ્તારમાં સર્ચ ઓપરેશન ચલાવી રહી છે.
ગાઢ જંગલોમાં સુરક્ષા દળો એલર્ટ મોડ પર
રાજૌરી જિલ્લાના થાનામંડી તાલુકાના મણિયાલ ગલી વિસ્તારમાં આતંકવાદીઓએ પોલીસ પેટ્રોલિંગ પાર્ટી પર ગ્રેનેડ હુમલો કર્યો. આ ઘટના બાદ, ભારતીય સેના, જમ્મુ-કાશ્મીર પોલીસના SOG, CRPF દ્વારા આ વિસ્તારમાં એક વિશાળ સંયુક્ત સર્ચ ઓપરેશન હાથ ધરવામાં આવી રહ્યું છે. ગાઢ જંગલોમાં સુરક્ષા દળોને એલર્ટ મોડ પર રાખવામાં આવ્યા છે.
