યુપીના આંબેડકર નગરમાંથી એક ચોંકાવનારો કિસ્સો સામે આવ્યો છે. અહીં એક છોકરી લગ્ન કરવા માટે ચાર છોકરાઓ સાથે ઘરેથી ભાગી ગઈ હતી. પણ પાછળથી તે મૂંઝવણમાં પડી ગઈ કે તેમાંથી કયો છોકરો તેણે પતિ તરીકે પસંદ કરવો. જો કે, બાદમાં છોકરી માટે ખૂબ જ અનોખી રીતે વરની પસંદગી કરવામાં આવી હતી અને આ મામલો ચર્ચાનો વિષય બન્યો હતો.
પ્રાપ્ત માહિતી અનુસાર, યુવતીની મૂંઝવણ એટલી વધી ગઈ કે પંચાયત બેસી ગઈ. ત્યારબાદ ચિઠ્ઠી નાખીને નિર્ણય લેવાયો હતો. પાંચ દિવસ પહેલા યુવતી આ ચાર છોકરાઓ સાથે ઘરેથી ભાગી ગઈ હતી. છોકરાઓએ છોકરીને બે દિવસ સુધી પોતાના સગાવ્હાલાઓના ઘરમાં છુપાવી હતી પરંતુ તે પછી પકડાઈ ગયા હતા.
છોકરીના પરિવારજનોએ છોકરાઓ વિરુદ્ધ કેસ કરવાની તૈયારી શરૂ કરી દીધી, આ દરમિયાન મામલો પંચાયતમાં ગયો. પંચાયતે લગ્ન કરવાનો પ્રસ્તાવ મૂક્યો. જ્યારે યુવતીને પૂછવામાં આવ્યું તો તેણે કહ્યુ કે તે નક્કી કરી શકતી નથી કે કોને પોતાનો પતિ બનાવવો.
આ મામલો ત્યારે ફસાય ગયો જ્યારે યુવતીની સાથે ભાગી ગયેલા યુવકોમાંથી કોઈપણ તેની સાથે લગ્ન કરવા તૈયાર નહોતું. મામલાનો કોઈ ઉકેલ ન આવતા પંચોએ ત્રણ દિવસ સુધી બંધ રૂમમાં ચર્ચા કરી કે હવે શું કરી શકાય. બહુ વિચાર-વિમર્શ પછી પંચાયતે નક્કી કર્યું કે હવે છોકરી સાથે લગ્ન કોની સાથે થશે, એ તો ચિઠ્ઠી નાખીને જ નક્કી કરી શકાશે.
આ પછી ચારેય યુવકોના નામની સ્લિપ મુકવામાં આવી હતી અને જે નામ બહાર આવ્યું હતું તેના પર સમાધાન કરવામાં આવ્યું હતું. પંચાયત દરમિયાન સ્લીપ પર ચાર યુવકોના નામ લખ્યા બાદ તેને બાઉલમાં રાખવામાં આવ્યો હતો. આ દરમિયાન પંચે એક નાના બાળકને કાપલી ઉપાડવાનું કહ્યું. બાળકે સ્લિપ ઉપાડી કે તરત જ ત્રણ દિવસથી ચાલી રહેલો વિવાદ ઉકેલાઈ ગયો અને યુવતીના લગ્ન એ જ યુવક સાથે નક્કી કરવામાં આવ્યા જેનું નામ કાપલીમાં હતું.
