Female DSP steals in MP- મધ્યપ્રદેશની રાજધાનીમાંથી એક ચોંકાવનારી ઘટના સામે આવી છે. પોલીસ હેડક્વાર્ટર (PHQ) માં તૈનાત મહિલા DSP કલ્પના રઘુવંશી પર ચોરીનો આરોપ મૂકવામાં આવ્યો છે. તેમની વિરુદ્ધ જહાંગીરાબાદ પોલીસ સ્ટેશનમાં કેસ નોંધવામાં આવ્યો છે.
અહેવાલો અનુસાર, DSP એ તેના મિત્રના ઘરેથી એક મોબાઇલ ફોન અને 2 લાખ રૂપિયા રોકડા ચોરી લીધા હતા. ફરિયાદીએ જણાવ્યું હતું કે તેણીએ પોતાનો મોબાઇલ ફોન ચાર્જિંગ પર મૂક્યો હતો અને નહાવા ગઈ હતી ત્યારે કલ્પના રઘુવંશી ઘરમાં ઘૂસીને તેની બેગમાંથી પૈસા અને મોબાઇલ ફોન લઈ ગઈ હતી.
આ ઘટના CCTV માં કેદ થઈ હતી, જેમાં DSP ના હાથમાં નોટોના બંડલ સ્પષ્ટપણે દેખાઈ રહ્યા હતા. પોલીસે મહિલા DSP પાસેથી મોબાઇલ ફોન કબજે કર્યો છે, પરંતુ હજુ સુધી પૈસા કબજે કરવામાં આવ્યા નથી.
