આઠમી ડિસેમ્બરે ગુજરાત અને હિમાચલ પ્રદેશ વિધાનસભા ચૂંટણીનાં પરિણામ આવવાના છે ત્યાર પહેલાં સૌની નજર દિલ્હી મ્યુનિસિપલ કૉર્પોરેશન (એમસીડી)ના પરિણામ પર છે.
આઠમી ડિસેમ્બરે ગુજરાત અને હિમાચલ પ્રદેશ વિધાનસભા ચૂંટણીનાં પરિણામ આવવાના છે ત્યાર પહેલાં સૌની નજર દિલ્હી મ્યુનિસિપલ કૉર્પોરેશન (એમસીડી)ના પરિણામ પર છે.
આજે દિલ્હી મ્યુનિસિપલ કૉર્પોરેશન (એમસીડી)નું ચૂંટણીનું પરિણામ જાહેર થશે.
દિલ્હી કૉર્પોરેશનમાં 250 વૉર્ડ છે. પરિણામ માટે 42 મતગણતરી કેન્દ્ર બનાવાયાં છે.
ચુસ્ત બંદોબસ્ત વચ્ચે આજે સવારે આઠ વાગ્યાથી મતગણતરી શરૂ થશે.
દિલ્હી કૉર્પોરેશનમાં છેલ્લાં 15 વર્ષથી ભાજપની સરકાર છે, પણ આ વખતે પરિણામ બદલાઈ શકે છે.
દિલ્હીમાં ચાર ડિસેમ્બરે મતદાન થયું હતું અને અંદાજે 50.48 ટકા મતદાન નોંધાયું હતું. આ ચૂંટણીમાં 1349 ઉમેદવારો મેદાનમાં છે.
આ ચૂંટણીમાં ભાજપ, કૉંગ્રેસ સહિત આમ આદમી પાર્ટી એમ ત્રિપાંખિયો જંગ છે.
ગત ચૂંટણીમાં ભાજપે 181 વૉર્ડ પર જીત મેળવી હતી, આપે 48 અને કૉંગ્રેસે 27 વૉર્ડ જીત્યા હતા.
