શ્રીલંકામાં વિનાશ વેર્યા બાદ, ચક્રવાત દિટવાહ ઝડપથી ભારત તરફ આગળ વધી રહ્યું છે. આ વાવાઝોડું આજે ગમે ત્યારે ઉત્તર તમિલનાડુ, પુડુચેરી અને દક્ષિણ આંધ્રપ્રદેશના દરિયાકાંઠે ટકરાશે તેવી શક્યતા છે. હવામાન વિભાગે ચેતવણી જારી કરી છે. પરિસ્થિતિને ધ્યાનમાં રાખીને, 14 NDRF ટીમોને સ્થળ પર તૈનાત કરવામાં આવી છે. ચક્રવાત દિટવાહે શ્રીલંકામાં 150 લોકોના મોત નિપજ્યા છે. વધુમાં, ઘણા લોકો ગુમ થયાના અહેવાલ છે. ચક્રવાત દિટવાહ, જે હાલમાં દક્ષિણપશ્ચિમ બંગાળની ખાડી અને નજીકના ઉત્તર શ્રીલંકા અને તમિલનાડુના દરિયાકાંઠે છે, છેલ્લા છ કલાકમાં લગભગ ૫ કિમી પ્રતિ કલાકની ઝડપે ઉત્તર તરફ આગળ વધ્યું છે.
વાવાઝોડું Ditwah આ માર્ગે ભારત તરફ આગળ વધી રહ્યું છે.
વાવાઝોડું ditwah 29 નવેમ્બર, 2025 ના રોજ રાત્રે 11:30 વાગ્યે બંગાળની ખાડી અને નજીકના ઉત્તરીય તમિલનાડુ-પુડુચેરી દરિયાકાંઠા પર, 10.7°N અક્ષાંશ અને 80.6°E રેખાંશની નજીક, વેદારણ્યમથી લગભગ 90 કિલોમીટર પૂર્વ અને ઉત્તરપૂર્વમાં, કરાઈકલથી 90 કિલોમીટર પૂર્વ અને દક્ષિણપૂર્વમાં, શ્રીલંકાના જાફનાથી 130 કિલોમીટર ઉત્તર અને ઉત્તરપૂર્વમાં, પુડુચેરીથી 160 કિલોમીટર દક્ષિણ અને દક્ષિણપૂર્વમાં અને ચેન્નાઈથી 260 કિલોમીટર દક્ષિણમાં કેન્દ્રિત હતું.
વાવાઝોડું Ditwah ભારતમાં ક્યારે પહોંચશે?
હવામાન વિભાગની આગાહી મુજબ, વાવાઝોડું દિટવાહ આગામી 24 કલાકમાં ઉત્તરીય તમિલનાડુ અને પુડુચેરીના દરિયાકાંઠાની સમાંતર ઉત્તર તરફ આગળ વધવાની ધારણા છે. ચક્રવાત દિટવાહ હાલમાં 5 કિલોમીટર પ્રતિ કલાકની ઝડપે આગળ વધી રહ્યું છે. તે 30 નવેમ્બર, 2025 ના રોજ સવારે 2:30 વાગ્યે દક્ષિણપશ્ચિમ બંગાળની ખાડી અને તેની નજીકના શ્રીલંકા અને તમિલનાડુના દરિયાકાંઠા પર કેન્દ્રિત હતું.
