Covid 19 Cases In India: દેશમાં કોરોના વાયરસ ઝડપથી ફેલાવા લાગ્યો છે. દેશમાં સક્રિય કેસ વધીને 3961 થયા છે. જ્યારે મૃત્યુઆંક 32 થયો છે. સૌથી મોટી રાહત એ છે કે અત્યાર સુધીમાં 2188 લોકો કોરોનામાંથી સ્વસ્થ થઈને ઘરે પરત ફર્યા છે. છેલ્લા 24 કલાકમાં 370 લોકો કોરોના ચેપમાંથી સ્વસ્થ થયા છે.
પશ્ચિમ બંગાળમાં કોવિડ-19 ના 44 નવા કેસ નોંધાયા
પશ્ચિમ બંગાળમાં છેલ્લા 24 કલાકમાં કોવિડ-19 ના ૪૪ નવા કેસ નોંધાયા છે. રાજ્યમાં સારવાર હેઠળ રહેલા કોવિડ દર્દીઓની સંખ્યા 331 છે. સારી વાત એ છે કે રાજ્યમાં કોરોનામાંથી 9 લોકો સ્વસ્થ થયા છે.
કેરળમાં કોરોનાનો ભય
કેરળમાં સૌથી વધુ કોરોના ચેપના કેસ સામે આવી રહ્યા છે. રાજ્યમાં અત્યાર સુધીમાં કોરોનાના 1436 કેસ નોંધાયા છે. છેલ્લા 24 કલાકમાં કેરળમાં 35 કેસ નોંધાયા છે. જ્યારે એક વ્યક્તિનું મોત નીપજ્યું છે. 24 કલાકમાં 161 લોકો કોરોનામાંથી સ્વસ્થ પણ થયા છે.
મહારાષ્ટ્ર, દિલ્હી અને ગુજરાતમાં પણ કોરોનાનો કહેર
કેરળ પછી, મહારાષ્ટ્રમાં સૌથી વધુ કોરોના કેસ નોંધાયા છે. ત્યારબાદ, દિલ્હી અને પછી ગુજરાતમાં સૌથી વધુ ચેપગ્રસ્ત લોકો છે. મહારાષ્ટ્રમાં કુલ સક્રિય કેસ વધીને 506 થયા છે, જ્યારે 8 લોકો મૃત્યુ પામ્યા છે. છેલ્લા 24 કલાકમાં 21 નવા કેસ નોંધાયા છે, જ્યારે એકનું મૃત્યુ થયું છે. 43 લોકો સ્વસ્થ થઈને ઘરે પરત ફર્યા છે. દિલ્હીમાં કોરોનાના કેસ વધીને 483 થયા છે. જ્યારે દિલ્હીમાં કોરોનાને કારણે કુલ 4 લોકો મૃત્યુ પામ્યા છે. છેલ્લા 24 કલાકમાં, કોરોનાના 47 નવા કેસ નોંધાયા છે, જ્યારે 82 લોકો સ્વસ્થ થઈને ઘરે પરત ફર્યા છે. દિલ્હીમાં, છેલ્લા 24 કલાકમાં કોરોનાને કારણે એક વ્યક્તિનું મૃત્યુ થયું છે. ગુજરાતમાં કોરોનાના કેસ વધીને 338 થયા છે અને એકનું મૃત્યુ થયું છે. છેલ્લા 24 કલાકમાં, ગુજરાતમાં કોરોનાના 18 નવા કેસ નોંધાયા છે, જ્યારે 11 લોકો સ્વસ્થ થયા છે.
કર્ણાટક, ઉત્તર પ્રદેશ અને તમિલનાડુમાં પણ કોરોનાના કેસ વધી રહ્યા છે
કર્ણાટક, ઉત્તર પ્રદેશ અને તમિલનાડુમાં પણ કોરોનાના કેસ વધી રહ્યા છે. કર્ણાટકમાં અત્યાર સુધીમાં કોરોનાના કુલ 253 કેસ નોંધાયા છે અને 4 લોકોના મોત પણ થયા છે. છેલ્લા 24 કલાકમાં કોરોનાના 15 નવા કેસ નોંધાયા છે, જ્યારે 2 લોકો સ્વસ્થ થયા છે. ઉત્તર પ્રદેશમાં કોરોનાના કુલ 157 કેસ નોંધાયા છે અને બે લોકોના મોત પણ થયા છે. છેલ્લા 24 કલાકમાં યુપીમાં કોરોનાના 8 નવા કેસ નોંધાયા છે.
ઝારખંડમાં પણ કોરોનાના 11 કેસ
ઝારખંડમાં પણ કોરોનાના કેસ વધીને 11 થયા છે. છેલ્લા 24 કલાકમાં ઝારખંડમાં કોરોનાના ૫ નવા કેસ નોંધાયા છે. જ્યારે એક દર્દી સ્વસ્થ થઈને ઘરે પરત ફર્યો છે. રાજસ્થાનમાં પણ કોરોનાના કેસ વધીને 69 થયા છે. છેલ્લા 24 કલાકમાં રાજસ્થાનમાં 7 નવા કેસ નોંધાયા છે અને 13 લોકો સ્વસ્થ થયા છે. રાજસ્થાનમાં એક કોરોના સંક્રમિત વ્યક્તિનું મોત થયું છે.
