આ ચૂંટણી પ્રચારમાં નેતાઓ ઉપર જુતા ફેંકવાનો નવો ટ્રેન્ડ શરૂ થયો હતો. પરંતુ અહીં ચોંકાવનારી વાત એ બહાર આવી છે કે, જે જે નેતાઓ સામે જુતા ફેંકાયા હતા એ તમામ વિજયી બન્યા છે.
કેન્દ્રિય ગૃહમંત્રી પી ચિદંબરમ ભાજપા નેતા લાલકૃષ્ણ અડવાણી અને ઉદ્યોગપતિ નવિન જિન્દાલ તથા પ્રધાનમંત્રી મનમોહનસિંઘ સહિત તમામનો ચૂંટણી જંગમાં વિજય થયો છે. અત્રે ઉલ્લેખનિય છે કે, આ તમામ નેતાઓ સામે ચૂંટણી સભા કે રેલી દરમિયાન જુતા, ચંપલ ફેંકાયા હતા.
કર્ણાટકના મુખ્યમંત્રી બીએસ યેદીયુરપ્પા સામે ગત મહિને હાસનમાં એક ચૂંટણી સભા દરમિયાન ચંપલ ફેંકવામાં આવ્યું હતું. જેમના પુત્ર બી વાઇ રાઘવેન્દ્રની જીત થઇ છે.
