બિહારના મુખ્યમંત્રી નીતિશ કુમારે સત્તાના આ જંગમાં બિહારને સ્પેશિયલ દરજ્જો આપવાની એક નવી શરત મુકી સૌને ચોંકાવી દીધા છે.
આ ચૂંટણીમાં સૌ કોઇ જાણે છે કે, કોઇ પાર્ટીને સ્પષ્ટ બહુમતિ મળવાની નથી. સાથી પક્ષો સાથે ગઠબંધન કર્યા સિવાય છુટકાં નથી. આ તકનો લાભ લેવા દરેક નાના મોટા પક્ષો તલપાપડ બન્યા છે ત્યારે બિહારના મુખ્યમંત્રી નીતિશ કુમારે સૌ પ્રથમ આગળ આવ્યા છે.
કેન્દ્રમાં સરકાર બનાવવા માટે પોતાનો ટેકો આપવાના બદલામાં તેમણે બિહારને સ્પેશિયલ રાજ્યનો દરજ્જો આપવાની માંગ કરી છે. જોકે આ માંગને પગલે ભાજપની મુશ્કેલીઓ વધતી જણાય છે તો બીજી બાજુ કોંગ્રેસ માટે નીતિશ કુમાર પાસે આવવાનો રસ્તો સાફ થઇ રહ્યો છે.
