ગાંધીનગરથી ભાજપના લાલકૃષ્ણ અડવાણીની વિરૂધ્ધમાં લોકસભાની ચૂંટણી લડી રહેલ અપક્ષ ઉમેદવાર મલ્લિકા સારાભાઇએ પોતાની આવક અને ખર્ચાની જાહેરાત માટે નવો કીમિયો અપનાવ્યો છે. ચૂંટણી દરમિયાન તેમને મળનાર ફંડ અને થનાર ખર્ચની તમામ વિગતો તે પોતાની વેબસાઇટ ઉપર રજુ કરનાર છે. તેઓ પોતાના પ્રતિદ્વંદ્વી લાલકૃષ્ણ અડવાણી તરફથી પણ આવી અપેક્ષા રાખે છે. આનાથી પણ આગળ તેઓનું તો માનવું એમ છે કે, દરેક ઉમેદવાર આ રીતે પોતાના ખર્ચા અને આવકની વિગતો જાહેર કરે.
