AAP - આમ આદમી પાર્ટીએ રવિવારે દિલ્હીના મુખ્યમંત્રી અરવિંદ કેજરીવાલની અધ્યક્ષતામાં વિરોધ માર્ચ કાઢી હતી. આ માર્ચ AAP નેતાઓની ધરપકડના વિરોધમાં હતી. વિરોધ કૂચ AAPના પાર્ટી કાર્યાલયથી શરૂ થઈને બીજેપી હેડક્વાર્ટર સુધી જવાની હતી. પરંતુ દિલ્હી પોલીસે આમ આદમી પાર્ટીની કૂચને આગળ વધવા દીધી ન હતી. જેના કારણે અરવિંદ કેજરીવાલ સહિત આમ આદમી પાર્ટીના તમામ મોટા નેતાઓ ફરી પોતાની પાર્ટી ઓફિસમાં પરત ફર્યા હતા.
AAPના મોટા નેતાઓ સાથે રહ્યા
આ દરમિયાન સીએમ કેજરીવાલ સાથે રાજ્યસભા સાંસદ રાઘવ ચઢ્ઢા, સંજય સિંહ, દિલ્હી સરકારના મંત્રી ગોપાલ રાય, સૌરભ ભારદ્વાજ, આતિશી સહિત ઘણા મોટા નેતાઓ હાજર રહ્યા હતા. તમને જણાવી દઈએ કે દિલ્હી પોલીસે શનિવારે અરવિંદ કેજરીવાલના પીએ બિભવ કુમારની ધરપકડ કરી હતી. જેના વિરોધમાં આમ આદમી પાર્ટીએ આ પદયાત્રા કાઢવાનું નક્કી કર્યું હતું. જોકે આ કૂચ એકદમ શાંતિપૂર્ણ હતી.
