Select Your Language

Notifications

webdunia
webdunia
webdunia
webdunia

આ અઠવાડિયા કોને મળશે પ્રેમ જાણો સાપ્તાહિક રાશિફળ 10 થી 16 સેપ્ટેમબર સુધી

આ અઠવાડિયા કોને મળશે પ્રેમ જાણો સાપ્તાહિક રાશિફળ 10 થી 16 સેપ્ટેમબર  સુધી
, રવિવાર, 9 સપ્ટેમ્બર 2018 (09:41 IST)
મેષઃ તમારો પોતાની જાત ઉપરનો ભરોસો મજબૂત અને તમારી સત્યનિષ્ઠામાં વધારો થાય તેમજ ગયા અઠવાડિયાનાં કાર્યોમાં તમે ક્યાં ખોટા હતા તે વાતની સાચી ખબર પડી જાય. એના કારણે તમારા વ્યક્તિત્વનું નવું પ્રભાવક પાસું ઊભરી આવે. ઉમદાં પરિણામો પણ પ્રાપ્ત થાય. તમે તમારી જાત પ્રત્યે ગર્વની લાગણી અનુભવો અને લોકપ્રિયતાના ગ્રાફમાં તમારી જાતને સર્વોચ્ચ સ્થાને જોશો.સમારંભોમાં તમારી હાજરીથી રોનક વર્તાય.
 
વૃષભઃ વાર્તાલાપની કળામાં તમે ખૂબ જ પારંગતતા હાંસલ કરશો અને તે તમારા માટે જરૂરી પણ બનશે. એ સાથે જ વિદેશ સંપર્કો, જોડાણો, ભાગીદારી જેવી બાબતોમાં તમને ઘણો લાભ થાય. આ કળા હવે તમારી સફળતાનું સાધન બની છે અને ભવિષ્યમાં પણ બની રહેશે. પ્રવાસને કારણે તમને ભવિષ્યના ફાયદાઓ થાય. તમારા દરેક કાર્યોમાં ઘણો વેગ આવે. લોકોની સહાનુભૂતિ જીતવામાં તમને સફળતા મળે.
 
મિથુનઃ બહારના સ્પર્ધાત્મક વિશ્વથી થોડા સમય પૂરતો તમે છેડો ફાડીને સ્વેચ્છિક રીતે અને આનંદપૂર્વક તમારા પરિવાર, સમાજ અને તમારી અંગત બાબતો ઉપર ધ્યાન કેન્દ્રીત કરશો. તમારો પરિવાર તમારી એક તબક્કે તમારી તાકાત અને નબળાઈ બની જાય છે અને તમે તેનાથી દૂર ક્યારેય જઈ શકશો નહીં. પરિવારજનો, વડીલો સાથે વધુ નિકટતાનો અનુભવ થાય. તમે આ સમયગાળામાં સ્થાનિક પ્રશ્નો ઉકેલવામાં વ્યસ્ત રહેશો.
 
કર્કઃ તમે પાછલા કેટલાક અઠવાડિયામાં જે મહેનત કરી છે અને તેના મીઠાં ફળ મેળવવાને લાયક હોવા છતાં અત્યાર સુધી તે ફળથી વંચિત રહ્યા છો તે હવે મેળવશો. આ સફળતા તમને ભાવનાત્મક અને વ્યાપારિક પ્રયત્નોમાં નવુ બળ પ્રદાન કરે. ચન્દ્ર તમને ઉપલબ્ધિઓ અને વિકાસ અને બીજું ઘણું બધું અપાવે. જો કે બધું જ સાવ સરળતાથી મળી જાય એવું નહીં બને. તમારે ઘણી મહેનતની જરૂર પડશે.
 
સિંહઃ વિકાસ અને સફળતાને વરવા માટે તમે તમારી જાતને વધુ આકરો સંઘર્ષ કરવા ઝુકાવશો. તમારી માથેથી જવાબદારીઓ ઓછી થતાં માનસિક દબાણમાં રાહત અનુભવશો અને તમારી જાતને વધુ મહેનત માટે તૈયાર કરશો. ઊર્જા અને સહનશક્તિ પાછી મેળવશો. નિરાંત મળતાં તમે આનંદની લાગણી અનુભવશો અને થોડો સમય ઉજાણી અને ખાણીપીણીમાં વિતાવશો. મોજમજામાં સમય તણાવરહિત પસાર થશે.
 
કન્યાઃ તમારી પોતાની અંગત છબી અને જાહેર છબી ઉપર તમારું ધ્યાન કેન્દ્રિત રહેશે. તમે તમારું બધું જ, તમારું ઘર, તમારાં કપડાં, તમારું શરીર, તમારું સ્વાસ્થ્ય બધું જ વ્યવસ્થિત કરવાનું આયોજન હાથ ધરશો. ઉત્તમ અને સ્વાસ્થ્યપ્રદ ખાણીપીણી, કસરત વગેરેને તમે ઇચ્છિત પરિણામો હાંસલ ન થાય ત્યાં સુધી ગંભીરતા અને નિષ્ઠાપૂર્વક વળગી રહેશો. તમે તમારા કામની પદ્ધતિને પણ આમાં આવરી લઈને નવેસરથી અમલમાં મૂકશો.
 
તુલાઃ તમને ઇચ્છિત ઉપલબ્ધિઓ પ્રાપ્ત થાય અને તે મેળવ્યાની આનંદની લાગણી અનુભવશો. ઘણી તકો તમારા માર્ગમાં આવી મળે અને તકોને પારખીને તમે તેને તમારી સફળતામાં પરિવર્તિત કરી શકશો. લોકો તમારી સફળતાને બિરદાવશે. દરેક બાબતે તમારી પ્રભાવી કામગીરીની પણ પ્રશંસા થાય. મોટાપાયે ઉજાણી અને આનંદપ્રમોદ થાય. પરિવાર સાથેના તમારા સંબંધો પણ વધુ મજબૂત થાય.
 
વૃશ્ચિકઃ ઘરે અને કાર્યસ્થળે તમારા સંબંધો આનંદદાયક, લાભદાયક અને ઉત્તમ રહેશે. અટકેલા કે વિલંબમાં પડેલા કાર્યો ફરીથી આગળ વધે.તમે સાચી વિચારસરણીનું અનુસરણ કરી રહ્યા છો એનો ફાયદો મળે. શિસ્ત, સ્વિકારભાવ અને સાથીદારોને આગળ નિકળવાની તક આપવાની વૃત્તિને લઇને તમે લોકોના હદયમાં સ્થાન મેળવી શકશો. નાણાકીય ક્ષેત્રે પણ તમને ઘણો ફાયદો થશે.
 
ઘનઃ તમે તમારા વ્યક્તિગત, વ્યવસાયિક અને સ્થાનિક બાબતોને લઈને સબ-સલામત સ્થિતિનો અનુભવ કરી રહ્યા છો. તમે તમારી જાતને આત્મવિશ્વાસથી ભરપુર જોઈ રહ્યા છો અને આ સમયગાળો મનમાં આકારિત નવાં સાહસો અમલમાં મૂકવા માટે શ્રેષ્ઠ હોવાની અનુભૂતિ થાય. આ બધાનો સરવાળો કરતા જીવનના આનંદપૂર્ણ તબક્કામાંથી પસાર થઈ રહ્યા છો. પ્રેમીજન સાથેના સંબંધો વધુ ઉષ્માપૂર્ણ અને આત્મિય બને.
 
મકરઃ આ અઠવાડિયે તમે જીવન સફરને વધુ ગતિ સાથે આગળ ધપાવવા પ્રયત્નશીલ રહેશો. પારિવારિક બાબતો અગ્રતાક્રમે રહેશે પણ રોકાણો, ભંડોળ મેળવવું અને અન્ય નાણાકીય આયોજનો પાછળ પણ ઘણા સક્રિય રહેશો. નાણાકીય સ્થિતિ વધુ મજબૂત થાય. એટલે તમને રાહતનો શ્વાસ લેવાનો અવસર મળે. આપને મળતી સફળતા પાછળ આપનો પરિવાર અને મિત્રવર્તુળનો પણ મહત્વનો ફાળો રહેશે.
 
કુંભઃ આ તબક્કે તમે શૂન્ય વિકાસની લાગણી અનુભવશો. પાછલા સમયગાળાની સખત પ્રવૃત્તિઓની સરખામણીએ આ સમયગાળો સાવ મંદગતિનો રહેશે. તેમજ પાછલા પ્રગતિના સમયગાળાની સરખામણીએ આ તબક્કે અગત્યના પ્રોજેક્ટોને પાછળ ઠેલવા પડે અને એથી તમને નિરાશા ઘેરી વળે.તમારે એકસાથે ઘણી માગને પહોંચી વળવા માટે રીતસર ઝઝૂમવું પડે. ભૂખ ન લાગવી, અપચો રહેવો વગેરે જેવી ફરિયાદો રહે.
 
મીનઃ સખત મહેનતના જોરે તમારી આત્મબળમાં પ્રચંડ વધારો થાય અને તમામ મુશ્કેલીઓને પહોંચી વળવા માટેની પ્રતિબદ્ધતા જન્મે. અને તમે ગૌરવપૂર્ણરીતે, એકલ નિર્ધાર સાથે આ સમયગાળામાં દરેક અનુકુળ-પ્રતિકુળ સ્થિતિને પહોંચી વળશો એ વાતમાં ગણેશજીને સહેજેય શંકા નથી. પ્રવાસ તમારા માટે જરૂરી અને મહત્વપૂર્ણ બની રહેશે. આ સમયમાં તમારી રોજિંદી આવકમાં વૃદ્ધિ થાય.
 

Share this Story:

Follow Webdunia gujarati

આગળનો લેખ

દૈનિક રાશિફળ- આજે શું કહે છે તમારી રાશિ- 9/09/2018