Try this : આટલી ઉપયોગી કિચન ટિપ્સ અજમાવી જુઓ
વજન ઓછુ થશે - લીચીનુ જ્યુસ ખૂબ જ સ્વાદિષ્ટ હોવાની સાથે સાથે આનુ સેવન શરીર માટે ખૂબ લાભકારી રહે છે. લીચી વજન ઘટાડવામાં પણ મદદરૂપ છે. નહી નીકળે આંસુ - ડુંગળી જો તમને રડાવતી હોય તો ડુંગળીને વહેતા પાણીની નીચે જ છોલો અને કાપો. પાણીની ધાર પાતળી હશે તો પણ ચાલશે. આમ તમને રસોડામાં રસોઈ બનાવતા રડવુ નહી પડે. આદુ જલ્દી છોલાશે - આદુને છોલતા પહેલા તેને ગેસ પર થોડો ગરમ કરી લો. આમ કરવાથી તેના છાલટાં સહેલાઈથી નીકળી જશે. તાજુ રહેશે પનીર - ઘણીવાર પનીર ફ્રીજમાં પણ ખરાબ થઈ જાય છે. પનીરને બ્લોટિંગ પેપરમાં વીંટાળીને પછી ફ્રીજમાં મુકો. આમ કરવાથી પનીર ઘણા દિવસો સુધી તાજુ રહેશે.
