ગુજરાતી ફિલ્મો બની રહી છે અને જબરદસ્ત બની રહી છે. તાજેતરમાં જ લવની ભવાઈ ફિલ્મે દર્શકોને મંત્રમુગ્ધ કરી નાંખ્યા. એ પહેલા કરસનદાસ પે એન્ડ યૂઝ, પપ્પા તમને નહીં સમજાય, આવ તારુ કરી નાંખું જેવી ફિલ્મો દર્શકોને ખૂબ જ પસંદ આવી હતી. હવે ગુજરાતી ફિલ્મ જગતમાં પહેલી વાર એક રેકોર્ડ બનવા જઈ રહ્યો છે. ગુજ્જુભાઈ ધ ગ્રેટ ફિલ્મના અભિનેતા સિદ્ધાર્થ રાંદેરિયા તથા જિમિત ત્રિવેદી દ્વારા અભિનિત ફિલ્મ ગુજ્જુભાઈ મોસ્ટવોન્ટેડ એક રેકોર્ડ સર્જવા જઈ રહી છે.
આજે સૌપ્રથમવાર આ ફિલ્મનો પ્રિવ્યૂ શો યોજાશે અને તેની સાથે આ ફિલ્મ પણ રિલિઝ થશે. આવું ગુજરાતી સિનેમામાં પહેલી વાર બની રહ્યું છે. ગુજરાતમાં અમદાવાદ ખાતે આ ફિલ્મના આજે 14 શો તથા મુંબઈમાં 41 શો યોજાવાના છે.
