સામગ્રી - પ૦૦ ગ્રામ બટેકા (નાની સાઇઝના), પ૦ ગ્રામ લસણ, આદુનો ટુકડો, ૨-૩ લીલા મરચા, અડધી ચમચી રાઇ, એક ચમચી જીરૂ, ચપટી હીંગ, અડધી ચમચી હળદર, એક ચમચી ધાણા પાવડર, એક ચમચી લાલ મરચાનો પાવડર, પ૦ ગ્રામ શેકેલી મગફળીનો ભૂકો, એક ચમચી તલ, મીઠું, તેલ, લાલ સુકા મરચા, તમાલપત્ર, કોથમીર.
રીત - બટાકાને બાફીને છાલ ઉતારી નાખો. લસણ અને આદુની પેસ્ટ બનાવો. તપેલામાં તેલ ગરમ કરી તેમાં રાઇ, જીરૂ નાખો. જીરૂ તતડી જાય બાદ તેમાં હીંગ, લાલ સુકા મરચા, તમાલપત્ર, ધાણા પાવડર અને આદુ-લસણની પેસ્ટ નાખી હલાવો. ત્યાર બાદ તેમાં મગફળીનો ભૂકો, તલ, લાલ મરચા પાવડર, મીઠું તથા હળદર નાખી બરોબર મિક્સ કરો. તેમાં બારીક સમારેલા લીલા મરચા અને બાફેલા બટાકા અને એક કપ પાણી નાખી હલાવો. લગભગ ૩-૪ મિનિટ રાખી તાપ પરથી ઉતારી લો. ઉપરથી કોથમીર નાખી સર્વ કરો.
