કાલન એક એવી સ્પેશિયલ ડિશ છે જે કેરાલામાં વિશુ અને ઓણમ જેવા ખાસ પ્રસંગે બનાવવામાં આવે છે. કાલનને દહીંના પ્રયોગથી બનાવવામાં આવે છે. આમ તો તે બનાવવાની રીત સાંભર જેવી જ છે પણ તેમાં દહીં હોવાને લીધે તે થોડી અલગ પડી જાય છે. જાણીએ કાલન બનાવવાની સરળ રીત...
બનાવવાની રીત - બધા શાકભાજીને એક સાથે કાપીને પ્રેશર કૂકરમાં થોડી હળદર નાંખી એક સીટી વાગે ત્યાંસુધી બાફી લો. હવે શાકભાજીના પાણીને કાઢી લો અને એક કઢાઇમાં દહીં નાંખીને બધા શાકને ત્રણ-ચાર મિનિટ સુધી ધીમી આંચ પર રાંધો. જ્યારે શાકભાજીનું આ મિશ્રણ રંધાઇને ઘટ્ટ થઇ જાય એટલે તેમાં મીઠું, કાળા મરીનો પાવડર નાંખો. હવે એક કઢાઇમાં ઘી ગરમ કરો. તેમાં રાઈનો વઘાર કરો, ઉપરથી લાલ મરચાં, લીમડાના પાન નાંખો. તૈયાર થઇ જાય એટલે પહેલેથી રંધાઇ ચૂકેલા કાલન પર નાંખી દો. હવે ગેસને બંધ કરી દો અને કાલન પર ઉપરથી છીણેલા નારિયેળ અને લીલી ચટણીથી ગાર્નિશ કરો.