બનાવવાની રીત - સૌ પ્રથમ લસણ, જીરું, કાળા મરીને મિક્સરમાં ગ્રાઇન્ડ કરી લો. આંબલીના રસમાં ટામેટાંના પલ્પને સારી રીતે મિક્સ કરી દો. હવે એક કઢાઈમાં તેલ ગરમ કરી તેમાં સરસવના દાણાં, હીંગ અને લાલ મરચું નાંખી ગેસની આંચ ચાલુ કરો અને તેમાં કાપેલી ડુંગળી જ્યાં સુધી સામાન્ય ભૂરો રંગ ન પકડે ત્યાંસુધી તેને સાંતળો. હવે તેમાં તૈયાર કરેલી લસણ અને કાળા મરીવાળી પેસ્ટ નાંખો. હવે તેને 3 મિનિટ સુધી સારી રીતે ઉકાળી તેમાં આંબલીવાળું પાણી નાંખી 4 મિનિટ સુધી ઉકાળો. ત્યારબાદ તેમાં મીઠું, કોથમીર અને 4 કપ પાણી ઉમેરો અને ફરીથી 15 મિનિટ સુધી ધીમી આંચે ઢાંકણ ઢાંકી ઉકળવા દો. જ્યારે બરાબર ઉકળી રહે એટલે ગેસની આંચ બંધ કરી તેમાં ઉપરથી મીઠા લીમડાંના પાન ઉમેરો. ભાત સાથે ગરમા ગરમ રસમ સર્વ કરો.
