ફરિયાળી વાનગી - સાબુદાણાની કટલેસ
સામગ્રી - 1 કપ સાબુદાણા, અડધો કપ શેકેલી મગફળી, 3-4 મધ્યમ આકારના બાફેલા બટાકા, 5-6 લીલી મરચાં, કોથમીર, સ્વાદ અનુસાર મીઠું, તળવા માટે તેલ.બનાવવાની રીત - સાબુદાણાને ધોઇને 1 કલાક પાણીમાં પલાળી રાખો. હવે 2-3 કલાક માટે પાણીમાંથી બહાર કાઢી રહેવા દો. બાફેલા બટાકાને મેશ કરી લો. લીલી મરચાં અને કોથમીરને બારીક કાપી લો. શેકેલી મગફળીને પીસી લો.હવે સાબુદાણામાં બટાકા, લીલા મરચાં, મગફળી, લીલી કોથમીર મિક્સ કરો. ભીના હાથે આ મિશ્રણમાંથી કટલેટ્સ બનાવો. બધા મિશ્રણમાંથી આ રીતે કટલેટ્સ બનાવી લો. ગરમ તેલમાં સોનેરી રંગની થાય ત્યાંસુધી બધી કટલેટ્સ તળો. કોથમીર મરચાંની લીલી ચટણી સાથે ગરમાગરમ કટલેટ્સ સર્વ કરો.
