પાકિસ્તાનના એક વરિષ્ઠ પત્રકાર હસન નિસારે એટમ હુમલાની ધમકી આપનારાઓને પાગલોનુ ઝુંડ કહ્યુ. તેમણે કહ્યુ કે પાકિસ્તાનમાં જે અભણોની ટોળકી છે તે જ આ દેશને ડુબાડશે. આપણે ભારતને એટમની ધમકી આપી રહ્યા છે પણ ભૂલી જઈએ છીએ કે તેમની વસ્તી એક અરબથી વધુ છે અને આપણે છે માત્ર 20 કરોડ. જો હુમલો થયો તો તેમનુ ખૂબ થોડુ નુકશન થશે પણ પાકિસ્તાન તો દુનિયાના નકશામાંથી જ ખતમ થઈ જશે.
તેમણે કહ્યુ હતુ કે,પરમાણુ વોર થવાની સ્થિતિમાં 4 વખત હુમલા બાદ પણ ભારતમાં 20 કરોડથી વધુ લોકો બચી જશે પરંતુ પાકિસ્તાન એક જ વખતમાં ખત્મ થઇ જશે. નિસારે કહ્યુ હતુ કે, પાકિસ્તાનમાં ગાંડાઓના ટોળા છે. આ અજીબ લોકો પોતાની બરબાદીનો જશ્ન મનાવતા હોય છે. અત્રે એ નોંધનીય છે કે, પાકિસ્તાનના સંરક્ષણ મંત્રી આશીફે પરમાણુ હુમલાની ધમકી આપી હતી. તેમણે કહ્યુ હતુ કે, અમે શો-કેસમાં રાખવામાં માટે પરમાણુ શસ્ત્રો નથી બનાવ્યા
