શિયાળામાં લોકો ખૂબ જ તેલવાળો ખોરાક ખાય છે. ઠંડીને કારણે વર્કઆઉટ ઓછું થઈ જાય છે. ઠંડીને કારણે લોકો શારીરિક પ્રવૃત્તિ ઓછી કરે છે, જેના કારણે શરીરમાં ખરાબ કોલેસ્ટ્રોલ વધવાનો ખતરો રહે છે. જો તમે હાઈ કોલેસ્ટ્રોલના દર્દી છો તો તમારા આહારમાં તલનો સમાવેશ જરૂર કરો. સફેદ તલ શિયાળામાં શરીરને ગરમ રાખવામાં મદદ કરવા ઉપરાંત ખરાબ કોલેસ્ટ્રોલને ઘટાડવામાં અને સારા કોલેસ્ટ્રોલને વધારવામાં પણ મદદ કરે છે. તલમાં એટલા બધા પોષક તત્વો જોવા મળે છે કે તેને શિયાળાનું સુપરફૂડ કહેવામાં આવે છે. તલના બીજમાં પ્રોટીન, ઓમેગા-3 ફેટી એસિડ, કેલ્શિયમ, મેગ્નેશિયમ અને એન્ટીઓક્સીડેન્ટ હોય છે જે ખરાબ કોલેસ્ટ્રોલ (LDL) ઘટાડે છે અને દિલને સ્વસ્થ રાખવામાં મદદ કરે છે. તલનું સેવન કરવાથી ત્વચા અને વાળને પણ ફાયદો થાય છે.
સફેદ તલ ખરાબ કોલેસ્ટ્રોલ ઘટાડે
સફેદ તલનું સેવન કરવાથી ખરાબ કોલેસ્ટ્રોલ ઘટાડવામાં અને શરીરમાં સારા કોલેસ્ટ્રોલને વધારવામાં મદદ મળે છે. તલમાં ઓમેગા-3 ફેટી એસિડ જોવા મળે છે. આ સિવાય તેમાં સેસમોલિન જેવા એન્ટીઓક્સીડેન્ટ હોય છે જે હૃદયને સ્વસ્થ રાખે છે અને બીપીને કંટ્રોલ કરે છે. સફેદ તલ ઉચ્ચ કોલેસ્ટ્રોલના સ્તરને નિયંત્રિત કરવામાં અસરકારક છે.
સફેદ તલ ખાવાથી શું ફાયદો
શિયાળામાં સફેદ તલમાંથી બનેલી વસ્તુઓ ખાવાથી કેલ્શિયમની ઉણપ પુરી કરી શકાય છે. તલ ખાવાથી હાડકા મજબૂત બને છે. તલમાં મેગ્નેશિયમ અને ઝિંક પણ હોય છે જે હાડકા અને સાંધાના દુખાવામાં રાહત આપે છે.
તલના બીજમાં ભરપૂર માત્રામાં ફાઈબર હોય છે જે તમારી પાચનતંત્રને મજબૂત બનાવે છે. જે લોકો રોજ તલમાંથી બનેલી વસ્તુઓ ખાય છે તેમને કબજિયાતની સમસ્યા ઓછી થાય છે. આવા લોકોનું પેટ સાફ રહે છે અને પાચન સંબંધી સમસ્યાઓ પણ દૂર રહે છે.
તલનું સેવન કરવાથી તમારા પેટ અને શરીરને માત્ર ફાયદો જ નથી થતો પરંતુ તે વાળ અને ત્વચાને પણ સ્વસ્થ બનાવે છે. સફેદ તલ ખાવાથી વાળને વિટામિન ઈ અને એન્ટીઓક્સીડેન્ટ મળે છે. જે વાળમાં ચમક લાવે છે. તેનાથી ત્વચાની ભેજ અને ચમક જળવાઈ રહે છે. વાળ ખરવાની સમસ્યા પણ દૂર થાય છે.
