પેટ્રોલ ડીઝલને સસ્તુ કરવા માટે સરકારે મોટુ પગલુ ઉઠાવ્યુ છે. નાણાકીય મંત્રી અરુણ જેટલીએ ગુરૂવારે પેટ્રોલ-ડીઝલ પર એક્સાઈઝ ડ્યુટીમાં 1.5 રૂપિયા પ્રતિ લીટરની કપાતનુ એલાંકર્યુ છે. બીજી બાજુ તેલ માર્કેટિંગ કંપનીઓ (HPCL, BPCL, IOC) 1 રૂપિયા પ્રતિ લીટર પોતાની તરફથી ઘટાડશે. આ રીતે કેન્દ્ર સરકાર તરફથી પેટ્રોલ અને ડીઝલ પર 2.50 રૂપિયા પ્રતિ લીટર તત્કાલ રાહત આપશે.
રાજ્ય સરકારે પણ વેટ ઘટાડ્યુ - નાણાકીય મંત્રીએ ગુરૂવારે પ્રેસ કૉન્ફેંસ કરી જણાવ્યુ કે અમે બધા રાજ્ય સરકાર તરફથી વેટમાં પેટ્રોલ ડીઝલ પર 2.50 રૂપિયા પ્રતિ લીટરમાં કપાત કરાવીશુ. આ વિશે બધા રાજ્યોને લખવામાં આવશે. જેથી ઉપભોક્તાઓને તત્કાલ પેટ્રોલ ડીઝલ પર 5 રૂપિયા પ્રતિલીટરની રાહત મળી શકે.
ગુજરાતના મુખ્યમંત્રી શ્રી વિજય રૂપાણીએ તત્કાલ 2.50 રૂપિયાનુ વેટ ઘટાડવાનુ ટ્વીટ કર્યુ છે. આ સાથે મહારાષ્ટ્રની ફડણવીસ સરકારે પણ 2.50 રૂપિયા પેટ્રોલ ડીઝલ પર વેટ ઘટાડવા અંગેનુ ટ્વીટ કર્યુ છે.
