ફિલપકાર્ટે સોમવારે ભારે ધૂમધડાકા સાથે સૌથી મોટું ડિસ્કાઉન્ટ સેલ યોજયું હતું, પરંતુ તેમાં એવી કેટલીક ગરબડ થઇ હતી જેના કારણે ફિલપકાર્ટની કસ્ટમર સર્વિસની ટીકા થઇ છે. ડિસ્કાઉન્ટ સેલમાં ટેકનિકલ ક્ષતિઓ પેદા થઇ હતી જેના કારણે ગ્રાહકો નારાજ થયા હતા. ચીજવસ્તુઓના ભાવ અને તેની ઉપલબ્ધતા અંગે પણ લોકો નિરાશ થયા હતા.
સ્પર્ધકોએ આ સ્થિતિનો લાભ લઇને તરત પોતાની આઇટમના ભાવ ઘટાડયા હતા જેથી લોકોનો ટ્રાફિક ફિલપકાર્ટ તરફથી બીજે વળી ગયો હતો. યુએસમાં વોર્ટન સ્કૂલના ઇન્ટરનેટ કોમર્સના પ્રોફેસર કાર્તિક હોસનાગરે જણાવ્યું હતું કે, ‘આ બોકિસંગ મેચ જેવું છે જેમાં એક બોકસરે હરીફ સામે લડતાં પહેલાં પોતાને જ મુક્કો મારી દીધો છે.'
ફિલપકાર્ટનો કથિત ‘બિગ બિલિયન ડે' સેલ ભારતમાં આ પ્રકારનો પ્રથમ સેલ હતો જેની પ્રેરણા અમેરિકામાં બ્લેક ફ્રાઇડે શોપીંગ બોનાન્ઝા પરથી લેવામાં આવી છે. ફિલપકાર્ટના સહસ્થાપક અને સીઇઓ સચિન બંગલે કહ્યું કે સેલમાં કેટલીક ભૂલો થઇ છે, પરંતુ એકંદર પરિણામથી તેઓ ખુશ છે. કંપનીએ દિવસ દરમિયાન માત્ર ૧૦ કલાકના ગાળામાં ૧૦ કરોડ ડોલર (૬૦૦ કરોડ રૂપિયા અથવા દર મિનિટે એક કરોડ રૂપિયા)નો માલ વેચ્યો હતો. કંપનીની સાઇટને એક અબજ હિટ મળી છે.
ભારતમાં ઓનલાઇન ચીજવસ્તુઓનું વેચાણ ઝડપથી વધી રહ્યું છે છતાં વૈશ્વિક બિઝનેસની સરખામણીમાં તેનું કદ ઘણું નાનું છે. ભારતમાં રિટેલ ઉદ્યોગનું કદ લગભગ પ૦ અબજ ડોલરનું છે જેમાં સ્નેપડિલ, ફિલપકાર્ટ અને એમેઝોન જેવી કંપનીઓ માંડ પાંચ અબજ ડોલરનો વાર્ષિક બિઝનેસ ધરાવે છે.
ફિલપકાર્ટના સેલની આજે સોશિયલ મીડિયા પર ઘણી ટીકા થઇ હતી. કંપનીએ દિવસ દરમિયાન વારંવાર ભાવ બદલ્યા હોવાનો આરોપ મૂકયો હતો. દિલ્હી સ્થિત એક ગ્રાહકે રૂ. ૪૯,૦૦૦ના એલસીડી ટીવીને ડિસ્કાઉન્ટ ભાવે ખરીદવા રૂ. ર૭,૦૦૦ ચૂકવ્યા હતા, પરંતુ ફિલપકાર્ટે જણાવ્યું કે તે ટીવીનો સ્ટોક ખતમ થઇ ગયો હતો. આ દરમિયાન ગ્રાહકે બીજી વેબસાઇટ પર જઇને ખરીદી કરવાની તક ગુમાવી હતી. અન્ય એક ગ્રાહકની ફરીયાદ હતી કે તેઓ ફિલપકાર્ટ પરથી એલસીડી ખરીદવા માંગતા હત, પરંતુ બે કલાકની અંદર ભાવ રૂ. ૧૦,૦૦ સુધી વધી ગયો હતો. ફિલપકાર્ટે કેન્સલેશનની સુવિધા ન આપી તેના કારણે પણ લોકો નારાજ હતા. ઘણા લોકો ‘બાય' બટન દબાવ્યા બાદ બીજી સાઇટ પરથી સારી ઓફર મેળવતા હતા, પરંતુ ફિલપકાર્ટ પરનો સોદો રદ કરી શકયા ન હતા. એક તરફ ફિલપકાર્ટના ગ્રાહકો નારાજ હતા ત્યારે બીજી તરફ ગ્રાહકો એમેઝોન તરફ વળી રહ્યા હતાં એમેઝોને જણાવ્યું કે રવિવારની સરખામણીએ સોમવારે તેનું વેચાણ બમણું થઇ ગયું હતું. હરીફ કંપની સ્નેપડીલને પણ ફાયદો થયો હતો અને સામાન્ય દિવસની સરખામણીમાં તેના ટ્રાફીકમાં ૧પ ગણો વધારો નોંધાયો હતો.
ગ્રાહકો કેમ નારાજ થયા ? મોટા ભાગની આકર્ષક
ઓફર્સ ગણતરીની મિનિટોમાં આઉટ ઓફ સ્ટોક હતી
ઘણા પ્રોડકટ્સના ભાવ સતત બદલાતા હતા
ભાવ પણ ગ્રાહકોની ટીકાનો ભોગ બન્યા હતા
એલસીડીનો ભાવ બે કલાકમાં
રૂ. ૧૦,૦૦૦ સુધી વધી ગયો હોવાની ફરીયાદો થઇ
